Бельгийн хөлбөмбөгийн шигшээ баг Английг 1-0-ийн харьцаагаар хожсоноор “H” хэсгээ тэргүүлж, улмаар хасагдах шатанд Японтай өрсөлдөхөөр боллоо. Бельги сүүлийн 82 жилийн хугацаанд Будант Альбион арлынхныг хожиж байгаагүй бөгөөд энэ хар цувралыг Аднан Янузай зогсоов. “”Манчестер Юнайтед” клубийн академид хүмүүжсэн тэрбээр 51 дэх минутад уран гоол оруулж, улмаар уг тоглолтын шилдэг хөлбөмбөгчнөөр нэрлэгдэв. Ийнхүү Бельги түүхэн ялалтыг байгуулсан ч хүчтэй багуудтай бүст орлоо. Японыг хожсон тохиолдолд Бразилтай тоглох магадлал бельгүүдэд өндөр байгаа бол англичуудын эхний хоёр учраа нь эхлээд Колумб, дараа нь Швед, Швейцарийн хожсон нь байх юм.
