Эрдэнэбулган сумд цэвэр усны төв байгууллаа
Архангай аймгийн Засаг даргын санаачилгаар тус аймгийн Эрдэнэбулган сумд өдөр, шөнө тасралтгүй цэвэршүүлсэн усаар үйлчлэх автомат худаг буюу цэвэр усны төв байгууллаа. Цэвэр усны төвтэй болсноор Эрдэнэбулган сумынхан төдийгүй баруун аймгууд руу зорчигчид, гадаад, дотоодын жуулчдыг цэвэр усаар хангах боломж бүрджээ.
2024-07-09
Нийт 83 удаагийн дуудлага бүртгэгдэж, 17 хүн нас баржээ
Өнгөрсөн долоо хоногт нийслэлийн долоон дүүрэг, 19 аймгийн 36 сумд аюулт үзэгдэл, ослын 83 удаагийн дуудлага бүртгэгджээ. Дуудлагын дагуу төв, орон нутгийн онцгой байдлын байгууллагын алба хаагчид үүрэг гүйцэтгэж, 18 иргэний амийг аварчээ. Харин гамшиг, аюулт үзэгдлийн улмаас 17 хүн нас барж, таван хүн гэмтэж, бэртсэн гэнэ. Нийт дуудлагын 60 нь гал түймэр, 21 нь хүний үйл ажиллагаатай холбоотой осол, нэг нь ус, цаг уурын, нөгөө нь биологийн гаралтай аюулт үзэгдэл байна гэж онцгой байдлын байгууллагаас мэдээлэв.
2024-07-09
Боловсролын салбарын доройтлыг элсэлтийн шалгалт илчлэв үү
Энэ удаагийн элсэлтийн шалгалт тойрсон асуудал, шүүмж, санал хүсэлт цахим орчинд дүүрэн байна. Тухайлбал, Дархан-Уул аймгийн ерөнхий боловсролын есдүгээр сургуулийн математикийн багш Ш.Амартүвшин “Гүйцэтгэлийн хувиар улсын дундаж 24.23 байна. 10 700 сурагч 36 тестийг “буудах” туршилтыг 10 мянган удаа хийж үзэхэд дундаж оноо нь 22 гарч байсан. Гэтэл шалгалтын оноо үүнээс ердөө хоёроор л илүү байна. Ерөнхий боловсролын сургууль төгсөж буй сурагчдын математикийн мэдлэг тэг болжээ. Ер нь 100 онооны даалгавраас 16 хувьтай (хэмжээст оноо нь 420) гүйцэтгэж буй хүүхдүүдийг их, дээд сургуульд элсүүлэх нь зөв үү” хэмээн өөрийн цахим хуудсандаа бичжээ.
2024-07-09
Баяр, наадмын өдрүүдэд гэмтэж, бэртэхээс болгоомжлоорой
Ялангуяа мориноос унаж бэртэх нь нэмэгддэг бөгөөд өнгөрсөн онд 204 хүүхэд гэмтсэн аж. Тэдний 35 нь уралдааны мориноос унасан байна. Энэ оны эхний зургаан сард мориноос унаж бэртсэн 601 хүнд тусламж, үйлчилгээ үзүүлсний 269 нь хүүхэд байжээ. Иймд Зам, тээврийн осол болон болзошгүй аюул, эрсдэлээс урьдчилан сэргийлэхийг зөвлөв. Тэр дундаа бага насны хүүхдээ хараа хяналттай байлгаж, хорхог, боодог, бусад төрлийн идээ, ундаа бэлтгэхдээ түлэгдэж, гэмтэхээс сэргийлэх, гол ус, нуур, цөөрмийн дэргэд анхаарал, болгоомжтой аялахыг сэрэмжлүүлсэн юм. Баяр наадмын өдрүүдэд гарсан осол, гэмтлийн дийлэнх шалтгаан нь архи, согтууруулах ундаа хэтрүүлэн хэрэглэснээс үүдэлтэй байдаг гэнэ.
2024-07-09
Говийн бүсээр халж, хангайн бүсээр бороо орно
Долдугаар сарын 9,10-нд Орхон-Сэлэнгийн сав газар, говийн бүс нутаг, Дорнод-Монголын тал нутгаар халж, Алтай, Хангай, Хөвсгөл, Хэнтийн уулархаг нутгаар түр зуурын дуу цахилгаантай аадар бороо орно.
2024-07-09
Цагдаагийн хошууч цолоор 5 алба хаагч шагнууллаа
Тулгар төрийн 2233, Их Монгол Улс байгуулагдсаны 818, Үндэсний эрх чөлөө, тусгаар тогтнолоо сэргээн мандуулсны 113, Үндэсний их баяр наадам, Ардын хувьсгалын 103 жилийн ойг тохиолдуулан эрхэлсэн ажилдаа ажилд идэвх зүтгэл, үр бүтээл гарган ажиллаж байгаа алба хаагчдыг өнөөдөр Төрийн одон медаль, Хууль зүй, дотоод хэргийн яамны болон Цагдаагийн ерөнхий газрын шагналаар шагнаж, хугацааны цагдаагийн цол гардууллаа.
2024-07-08
Оюутнууд ойн хөнөөлт шавжийн судалгаа хийж байна
Олон улсын байгаль хамгаалах нийгэмлэг, “Рио тинто Монгол” ХХК, БОАЖЯ, Засгийн газрын хэрэгжүүлэгч агентлаг Ойн газраас хамтран хэрэгжүүлж буй “Эрүүл ой” төслөөс оюутнуудад тэтгэлэг олгож, ойн хөнөөлт шавжийн тархалттай холбоотой хээрийн судалгаа хийлгэж эхэлжээ. Тухайлбал, МУИС-ийн Инженер, технологийн сургуулийн оюутан О.Батзориг Хангайн нурууны ойн сан дахь Якобсоны төөлүүрч эрвээхэйн тархалт, хэт олшролын шалтгаан, нөхцөлийг тогтоохоор ажиллаж буй бол Г.Баясгалан шавжийн тархалтын ул мөрийг модны цагаригийн тусламжтайгаар судалж байгаа гэнэ. Харин О.Лхагважаргал тосон бэлдмэл ашиглан өрөөсгөл хүр эрвээхэйн тархалтыг бууруулах туршилтыг Хэнтий аймгийн Норовлин сумд хийж байна
2024-07-08
Аялахад тохиромжтой, өртөг багатай таван улс
Аялал нь хүнийг ажлын ачааллаас түр ч батугай холдуулаад зогсохгүй шинэ санаа, сэдэл өгдөг. Боломжтой үедээ жилдээ хэдэн удаа аялах нь амьдралыг илүү сонирхолтой болгодог гэнэ. Аяллын тухай мэдээлэл хүргэдэг “CN traveler” цахим хуудас бага зардлаар аялах боломжтой таван орныг танилцуулжээ. Тухайлбал, Индонези нь Номхон болон Энэтхэгийн далайгаар хүрээлэгдэн оршдог. Газар нутаг нь 17 508 арлаас бүрддэг бөгөөд дэлхийн хамгийн том арлын орон юм. Тэдгээрээс хамгийн алдартай нь Бали
2024-07-08
Бөөрөлжүүтийн цахилгаан станц аравдугаар сард ашиглалтад орно
Нийслэлээс Бөөрөлжүүтийн цахилгаан станцад 300 тэрбум төгрөгийг хөрөнгө оруулснаар эхний I блок аравдугаар сард ашиглалтад орох нөхцөл бүрдэв. Улаанбаатар хот анх удаа дотоодын хөрөнгийн зах зээлд 500 тэрбум төгрөгийн бонд арилжаалж, үүний 300 тэрбум төгрөгийг Бөөрөлжүүтийн цахилгаан станцад хөрөнгө оруулсан. Ингэснээр тус станцын эхний блок буюу 150 мВт хүчин чадалтай станц ирэх аравдугаар сард ашиглалтад орох боломжтой боллоо. Энэ хүрээнд өнгөрсөн амралтын өдрүүдэд нийслэлийн Засаг дарга Х.Нямбаатар, Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Н.Мандуул болон холбогдох албаныхан Бөөрөлжүүт цахилгаан станцад ажиллалаа.
2024-07-08
“Багануур”-ын Э.Номинчулуун нарыг анхан шатны шүүх дахиад хэлэлцэх нь
“Багануур” ХК-ийн гүйцэтгэх захирал асан Э.Номинчулуун тэргүүтэй 14 хүнд холбогдох хэргийг түүний өмгөөлөгчийн гаргасан гомдлын дагуу Дээд шүүх хянаад хэлэлцэхээс татгалзлаа. Э.Номинчулуун өөртэйгөө холбоотой сөрөг мэдээллүүдийг устгуулах зорилгоор хэвлэл мэдээллийн хэд хэдэн байгууллагынханд мөнгө өгсөн, удирдлага доороо ажиллаж байсан хүмүүстэй хамтарч эрх мэдлээ урвуулан компанидаахохиролучруулсанхэрэгт гэм буруутай гэж үзэн Сүхбаатар дүүргийн Эрүүгийн хэргийн анхан шатны шүүхээс торгох, зорчих эрх ял оноосон нь үндэслэлгүй гэж давж заалдах шатны шүүх дүгнэн дахин хэлэлцүүлэхээр болсон билээ.
2024-07-08
Мазаалайг олон улсад сурталчлан таниулахад анхаарна
Засгийн газар 2024 оныг “Мазаалай хамгаалах жил” болгож зарласан. Үүний хүрээнд говийн баавгайг үндэсний бахархалт амьтан болгож, амьдрах орчинд нь тулгамдаж буй экологи, биологийн асуудлуудыг нь шийдвэрлэхэд төр, хувийн хэвшлийн байгууллагуудтай хамтран ажиллахаар болсон билээ. Уг ажлын эхлэл болгож БОАЖЯ, Баянхонгор аймгийн нутагт үйл ажиллагаа явуулдаг “Эрдэнэ Монгол” компанийн удирлагууд хамтын ажиллагааны санамж бичиг байгуулав
2024-07-08
Нанотехнологийн олон улсын хурал эхэллээ
“NomaTech ICMSN-2024” олон улсын материал судлал, нанотехнологийн хурал өчигдөр эхэллээ. Гурван өдөр үргэлжлэх тус хуралд Боловсрол, шинжлэх ухааны сайдын урилгаар Азийн физикийн XXIII олимпиадад уригдаж, лекц уншсан Нобелийн шагналтан Константин Новоселов оролцож байна. Mатериал судлал, нанотехнологи, байгалийн болон биологийн нөөцөд тулгуурласан салбар дундын дэвшилт технологийн судалгаа, инновац, тэдгээрийн хэрэглээг судлах нь хурлын гол зорилго аж
2024-07-08
Д.Мөнхөө Монгол Улсын Хөдөлмөрийн баатар боллоо
Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардуулж байна.
2024-07-08
1-1.2 сая дотоодын жуулчин орон нутагт аялна гэж тооцжээ
“Улаанбаатар аялал жуулчлалын холбоо” төрийн бус байгууллагынхан дотоодын аялал жуулчлалын чиг хандлагын талаар хийсэн судалгааныхаа үр дүнг олон нийтэд танилцууллаа. Тус байгууллагын судлаач, мэргэжилтнүүд “Улаанбаатар трэвэл экспо” арга хэмжээний үеэр 350 орчим хүнийг хамруулан санал асуулга явуулж, түүндээ үндэслэн дүн шинжилгээ, тооцоо хийсэн байна.
2024-07-08
