Өнөөдөр гадаа 25 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 183 дахь өдөр бөгөөд он дуусахад 183 хоног үлдлээ.
- Цаг агаар өдөртөө 25 хэмийн дулаан бол шөнөдөө 12 градус дулаан байх нь ээ.
- Билгийн тооллын 25, Гоё хүүхэн одтой, улаан бар өдөр. Сумъяа гараг. Өдрийн наран 4 цаг 57 минутад мандан, 20 цаг 55 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3372.00 төгрөг, зарах нь 3397.00 төгрөг байна. Харин рублийн авах ханш 38.00, зарах ханш 38.50, юанийн авах ханш 466.00, зарах ханш 467.00, вонийн авах ханш 2.45, зарах ханш 2.47 төгрөг байна.
Өнөөдөр болох онцлох үйл явдлууд:
- 09.00 цагаас СБД-ийн шүүх дээр сэтгүүлч Н.Өнөрцэцэгт холбогдох шүүх хурал болно.
- Ерөнхийлөгч, УИХ-д дүнг өргөн мэдүүлсний дараа 12.00 цагт Төрийн ордоны Их танхимд нэр дэвшигчдэд УИХ-ын гишүүний үнэмлэх олгоно.
- 11.30 цагаас “Зууны мэдээ” сонины “Үндэсний мэдээллийн төв”-д Сонгуулиар МАН-ын зүгээс явуулсан үйл ажиллагааны талаар Иргэдийн Оролцооны Нэгдэл намаас мэдээлэл хийнэ.
Энэ өдөр дэлхийн түүхэнд:
- 1961 оны энэ өдөр Их Британийн эзэн хаан Чарльзын анхны эхнэр Уэльсийн гүнж Дайна мэндэлж байжээ.
- 1917 онд Орост анх удаа зуны цагт шилжиж байжээ.
- 1921 онд Шанхай хотод 13 төлөөлөгч нар цугларч Хятадын Коммунист намыг байгуулжээ.
- 1991 онд Праг хотод Варшавын гэрээний байгууллага үйл ажиллагаагаа зогсоож буй тухай Протоколд гишүүн орнууд гарын үсэг зуржээ.
- 1997 онд Хонг Конгийг Их Британий захиргаанаас БНХАУ-ын кахиргаанп шилжүүлсэн байна.
- 2008 оны 7 сарын 1-нд Монголд МАН-ыг эсэргүүцэх жагсаал болж, 5 хүн буудуулан нас барсан.
