Өнөөдөр гадаа 18 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр жилийн 178 дахь өдөр юм. Мөн он дуустал 187 өдөр үлдэж байна.
- 2. Цаг агаар өдөртөө 18 хэмийн дулаан бол шөнөдөө 10 градус дулаан байх нь ээ.
- Билгийн тооллын 21, Бархасбадь гараг. Шувуун хошуут одтой, хар нохой өдөр. Өдрийн наран мандах, жаргах цаг нь 4:55-20:55. Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 11:00 цагт: Онцгой байдлын ерөнхий газрын Шуурхай штабаас УИХ-ын ээлжит сонгуулийн санал хураалттай холбогдуулан санал авах өдрийн цаг агаарын төлөв байдал, үер, усны ослоос урьдчилан сэргийлэх талаар мэдээлнэ.
- 11:00 цагт: ХЭҮК-оос УИХ-ын ээлжит сонгуультай холбоотой мэдээлэл хийнэ. Утас: 9902-8438.
- 12:00 цагт: Сонгуулийн ерөнхий хорооноос мэдээлнэ. Хэвлэлийн бага хурал Сонгуулийн ерөнхий хорооны байранд болно. Утас: 9912-2141.
- 13:00 цагт: Үндэсний соёл амралтын хүрээлэнд: “The Hu” хамтлаг Үндэсний их баяр наадмаар тоглох тоглолтын талаар мэдээлэх хэвлэлийн хурал зарлажээ.
