Өнөөдөр гадаа 26 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 178 дахь өдөр бөгөөд он дуусахад 188 хоног үлдлээ.
- Цаг агаар өдөртөө 26 хэмийн дулаан бол шөнөдөө 14 градус дулаан байх нь ээ.
- Билгийн тооллын 20, Тооно одтой, цагаагчин тахиа өдөр. Буд гараг. Өдрийн наран 4 цаг 55 минутад мандан, 20 цаг 55 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 11.00 цагаас "Зууны мэдээ" мэдээллийн төвд Баянзүрх дүүргийн АН-аас сонгуулийн хэсгийн хорооны томилгоотой холбоотой асуудлаар мэдээлэл хийнэ.
- 11.30 цагаас "Зууны мэдээ" мэдээллийн төвд СХД-ийн 11 дүгээр тойргийн нэр дэвшигчид нэгдэж байгаа талаар мэдээлэл хийнэ.
- 12.00 цагаас "Зууны мэдээ" төвд ээжүүдийн төлөөллөөс сонгуулийн талаар үзэл бодол, байр сууриа илэрхийлнэ.
- 12.30 цагаас "Зууны мэдээ" төвд Гэр хорооллын хөгжлийн намаас гэр хорооллын хөгжлийг гацаасан сонгож болохгүй улстөрчдийн талаар мэдээлнэ.
- 11.30 цагаас Нээлттэй Нийгэм Форумын байранд Монгол Улсын их хурлын 2024 оны сонгуулийн үйл явцын ажиглалт, мониторингийн талаар мэдээлэл хийнэ.
Энэ өдөр дэлхийн түүхэнд:
- Өнөөдөр Эрүүдэн шүүлтэд хохирогчдыг дэмжих олон улсын өдөр тохиож байна.
- Америкийн дуучин Ариана Гранде, Италийн хөл бөмбөгч Паоло Мальдини, Америкийн сагсан бөмбөгч Дерон Уильямс, Японы зохион бүтээгч Ёширо Накамацү, Канадын жүжигчин Гару зэрэг алдартан төрсөн өдрөө тэмдэглэж байна.
- 1945 онд ЗХУ-д генералиссимус гэх цэргийн дээд цолыг бий болгож, И.В.Сталинд олгожээ.
- 1945 онд Сан-Францискод болсон чуулганаар 50 улсын төлөөлөгч санал нэгтэйгээр НҮБ-ын дүрмийг баталсан байна.
- 1977 онд Америкийн Индианаполист Элвис Пресли сүүлчийнхээ концертыг тогложээ.
- 1979 онд домогт боксчин Мохаммед Али зодог тайлж буйгаа зарлав.
- 1988 онд Францын Мюлуз хотод болсон шоуны үеэр “Airbus A320” онгоцны анхны осол болж, гурван хүн амь насаа алджээ.
- 1994 онд “Майкрософт” компани MS-DOS системийн худалдааг зогсоосноо албан ёсоор зарлав.
- 2015 онд АНУ-ын Дээд шүүхээс Америкийн бүх мужид ижил хүйстнүүдийн гэрлэлтийг хүлээн зөвшөөрчээ.
