Өнөөдөр гадаа 31 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 169 дахь өдөр бөгөөд он дуусахад 197 хоног үлдлээ.
- Цаг агаар өдөртөө 31 хэмийн дулаан бол шөнөдөө 14 градус дулаан байх нь ээ.
- Билгийн тооллын 11, Салхины эх одтой, хар хулгана өдөр. Сумъяа гараг. Өдрийн наран 4 цаг 52 минутад мандан, 20 цаг 54 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 10.00 цагаас Төрийн ордны "Хүндэтгэлийн өргөө"-нд: Өнгөрсөн жилийн баяр наадмын үндэсний бөхийн барилдаанд М.Бадарчид өвдөг шороодсон нэр бүхий бөхчүүдэд Улсын цол, чимгийг нөхөн олгох ёслол болно.
- 11.00 цагаас ҮСХ-нд Монгол Улсын нийгэм, эдийн засгийн 2024 оны эхний 5 сарын голлох үзүүлэлтүүдийг танилцуулна.
- 11.00 цагаас МАН-ын төв байрны гадна АН-ын дэд дарга И.Мөнхжаргал, Өвөрхангай аймгийн Сант сумын АН-ын дарга бусдын гарт харамсалтайгаар амь насаа алдсан хэрэгтэй холбогдуулан мэдээлэл хийж, Ерөнхий сайд Л.Оюун-Эрдэнийг мэтгэлцээнд дуудна.
- 11.00 цагаас МҮОНРТ-д “Үндэсний Эвсэл”-ээс шаардлага хүргүүлнэ.
- 11.30 цагаас “Зууны мэдээ” үндэсний мэдээллийн төвд “Гэр хороолол-хөгжлийн нам”-аас гэр хорооллын айл өрхүүдийн эрхийг хамгаалах талаар амлалт өгч буй улс төрчдийн талаар мэдээлнэ.
- 12.00 цагаас “Зууны мэдээ” үндэсний мэдээллийн төвд “Офицер" хорооллын захиалагчид баригдсан байрандаа орж чадахгүй байгаа талаар мэдээлэл хийнэ.
Энэ өдөр дэлхийн түүхэнд:
- 1985 онд Люксембургийн Шенген хотод Франц, Нидерланд, Люксембург, Герман улсууд визийн чөлөөт бүс буй болгох зорилгоор Шенгений гэрээг байгуулав.
- 1777 онд АНУ-ын Төрийн Далбааны өдрийг тунхаглав.
- Цөлжилт, хуурайшилттай тэмцэх дэлхийн өдөр (НҮБ-ын Ерөнхий ассамблейн 1995 оны нэгдүгээр сарын 30-ний тогтоол. Дэлхийн улс орнууд цөлжилттэй тэмцэх, цөлжилтийн эрчийг сааруулах зорилгоор 1994 онд “Ган цөлжилтөд ноцтой нэрвэгдэж буй орнууд цөлжилттэй тэмцэх тухай” НҮБ-ын конвенцийг 1994 оны зургаадугаар сарын 17-нд баталсан)
- 1946 онды энэ өдөр АНУ-ын 45 дахь Ерөнхийлөгч Доналд Трамп мэндэлж байжээ.
- 1993 оны зургаадугаар сарын 14-ний өдөр Шүүх байгуулах тухай хуулийг анх баталсан
