Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 14-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 166 дахь өдөр бөгөөд он дуусахад 200 хоног үлдлээ.
- Цаг агаар өдөртөө 20 хэмийн дулаан бол шөнөдөө 5 градус дулаан байх нь ээ.
- Билгийн тооллын 8, Харцага одтой, шарагчин тахиа өдөр. Сугар гараг. Өдрийн наран 4 цаг 52 минутад мандан, 20 цаг 53 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- Үндэсний Урлагийн Их Театр 18.00 цагаас Мэргэжлийн урлагийн байгууллагуудын томоохон төлөөлөл болон олны танил эрхмүүдэд зориулж "Land of the Sky" тоглолтын тусгай үзвэрээ толилуулах гэж байна.
Энэ өдөр дэлхийн түүхэнд:
- 1985 онд Люксембургийн Шенген хотод Франц, Нидерланд, Люксембург, Герман улсууд визийн чөлөөт бүс буй болгох зорилгоор Шенгений гэрээг байгуулав.
- 1777 онд АНУ-ын Төрийн Далбааны өдрийг тунхаглав.
- 1968 оны энэ өдөр Монгол улсын Ерөнхийлөгч Ухнаагийн Хүрэлсүх мэндэлжээ.
- 1946 онды энэ өдөр АНУ-ын 45 дахь Ерөнхийлөгч Доналд Трамп мэндэлж байжээ.
- 1993 оны зургаадугаар сарын 14-ний өдөр Шүүх байгуулах тухай хуулийг анх баталсан
