Өнөөдөр гадаа 23 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 163 дахь өдөр бөгөөд он дуусахад 203 хоног үлдлээ.
- Цаг агаар өдөртөө 23 хэмийн дулаан бол шөнөдөө 5 градус дулаан байх нь ээ.
- Билгийн тооллын 5, Үнэг одтой, улаан морь өдөр. Ангараг гараг. Өдрийн наран 4 цаг 53 минутад мандан, 20 цаг 51 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр ан гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- Монгол Улсын Ерөнхийлөгч У.Хүрэлсүхийн урилгаар Бүгд Найрамдах Ардчилсан Лаос Ард Улсын Ерөнхийлөгч Тонглун Сисүлит энэ сарын 11-12-ны өдрүүдэд Монгол Улсад төрийн айлчлал хийнэ.
- 08.30 цагаас Захиргааны хэргийн анхан шатны шүүхэд: УИХ-ын гишүүн асан Да.Ганболдын “Үндэсний эвсэл”-ээс сонгуульд нэр дэвших эсэх асуудлыг шийдэх шүүх хурал болно.
- 10.00-15.00 цагаас Д.Сүхбаатарын талбайд: Өнгөрсөн жилийн үер, үерийн далан сэтэлсний улмаас бүхэлдээ үерт автаж оршин суугчид, ААН, ЖДҮ эрхлэгчид хохирлоо барагдуулаагүй орхигдсон иргэд тайван жагсаал зохион байгуулна.
- 11.00 цагаас "Зууны мэдээ" Үндэсний мэдээллийн төвд Үндэсний баялгийн санг дэмжиж уул уурхайн салбарын төлөөлөл мэдээлэл хийнэ.
- 11.40 цагаас "Монгол ньюс" мэдээллийн төвд Боловсрол судлалын магистр А. Найгалмаа “Монгол Улс 361 жилийг товчилсон хурдтай хөгжих үндсэн гурван боломж, шийдэл” -ийн талаар танилцуулж, сонгуульд нэр дэвшигч нарт хандан уриалга гаргаж буйгаа мэдээлнэ.
Энэ өдөр дэлхийн түүхэнд:
- 1429 онд 100 жилийн дайн: Яргегийн тулаан эхлэв. Франц Английн хооронд өрнөсөн уг тулаан Француудын ялалтаар өндөрлөжээ.
- 1488 онд Сочебөрнийн тулаан: Лордуудаар тэргүүлсэн босогчид Шотландын хаан III Жеймсийн эсрэг боссон уг тулаанд босогчид ялав. Тулаанд III Жеймс хаан амь үрэгджээ.
- 1509 онд Английн хаан VIII Хенри Арагонын гүнж Катеринтай гэрлэв.
- 1594 онд Испанийн хаан II Филип Филиппин дэх нутгийн язгууртнууд болон овгийн ахлагч нарын эрхийг хүлээн зөвшөөрөв. Ингэснээр Испанийн мэдэл дэх Филиппин улсыг тогтворжуулах замыг зассан юм.
- 1770 онд Британийн суут аялагч Жеймс Кук "Аугаа Шүрэн Хаалт"-д хүрч очив.
- 1775 онд Америкийн хувьсгалын дайн анх удаагаа тэнгисийн тулаанаар үргэлжлэв. Мачиасын тулаанд Британийн багахаан тэнгисийн цэргийн хүчийг Америкийн тал буулган авчээ.
- 1825 онд Нью-Йорк хотын Хамилтон боомтын шавыг тавив.
- 1901 онд Их Британи улс Шинэ Зеландын хилийн зурвасыг тогтоов.
- 1935 онд Зохион бүтээгч Эдвин Армстронг АНУ-ын Нью-Жерси хотод богино долгионы нэвтрүүлгийг цацав.
- 1964 онд Германы Кёльн хотын нэгэн сургуульд Хоёрдугаар дайнд тулалдсан ахмад дайчин зэвсэглэн халдаж дор хаяж найман хүүхэд амиа алдан, хэд, хэдэн хүн шархаджээ.
