Өнөөдөр гадаа 26 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 162 дахь өдөр бөгөөд он дуусахад 204 хоног үлдлээ.
- Цаг агаар өдөртөө 26 хэмийн дулаан бол шөнөдөө 10 градус дулаан байх нь ээ.
- Билгийн тооллын 4, Өдрийн наран мандах, жаргах цаг нь 4:53-20:50. Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжтой.
- Валют арилжааны төвд ам.долларын авах ханш 3397.00 төгрөг, зарах нь 3402.00 төгрөг байна. Харин рублийн авах ханш 38.20, зарах ханш 38.80, юанийн авах ханш 462.80, зарах ханш 468.70, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 11.00 цагт: ХЭВЛЭЛИЙН БАГА ХУРАЛ: “Зууны мэдээ” сонины “Үндэсний мэдээллийн төв”-д Х.Баттулга Эгийн голын эрчим хүчний төслийг нураахаар Хөвсгөл, Булган,Орхон аймагт нэр дэвшсэн тухай Иргэдээс мэдээлэл хийнэ.
- 10:00 цагт УИХ-ын 2024 оны ээлжит сонгуульд нэр дэвшигчээр бүртгүүлсэн 1336 хүнийг олон нийтэд мэдээлнэ. Улмаар 2024 оны УИХ-ын сонгуулийн сурталчилгаа албан ёсоор эхэлж, санал авах өдрөөс 24 цагийн өмнө зогсооно.
- Улаанбаатар театрын уран бүтээлчид гадаад, дотоодын аялагч, жуулчдад зориулсан "Тал нутгийн аялгуу" тоглолтоо толилуулна.
Энэ өдөр дэлхийн түүхэнд:
- 1994 - БНХАУ Шинжаан Уйгарын өөртөө засах орны Лоб нуур орчимд цөмийн зэвсэг туршив.
- 1996 - Умард Ирландын энхийн хэлэлцээ эхэлжээ.
- 1997 - Кампучийн дарангуйлагч бөгөөд Улаан Кхмерүүдийн удирдагч Пол Пот нутгаасаа зугтахаас өмнө Батлан хамгаалахын сайд Сон Сен болон түүний гэр бүлийн 11 гишүүнийг хороох тушаал өгчээ.
- 1999 - Холбооны бүгд найрамдах Югослав улсын Ерөнхийлөгч Слободан Милошевич Косовогийн нутгаас цэргүүдээ татах амлалт өгсөний дараа НАТО цэргийн ажиллагаагаа зогсоожээ.
- 2001 - Ромын пап II Йон Павел Ливаны католик шашинт Рафкаг гэгээнтнээр өргөмжлөв.
- 2002 - Их Британид хүн хооронд төв мэдрэлийн систем мэдээлэл хэрхэн солилцдог болохыг анх удаагаа туршжээ.
- 2003 - АНУ-ын Сансар судлалын агентлаг Ангараг гарагийг судлах "Спирит" хөлгийг амжилттай хөөргөжээ.
- 2018 - Ангараг гарагийг судлах "Оппортюнити" өөрөө явагч сүүлийн мэдээллээ дамжуулав. АНУ-ын Сансар судлалын агентлаг 2019 оны хоёрдугаар сарын 13-нд холбоогоо тасалжээ.
