Өнөөдөр гадаа 21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 7-ны өдөр
Өглөөд заавал мэдэж байх ёстой зүйлүүд:
-
Өнөөдөр бол жилийн 158 дахь өдөр бөгөөд он дуусахад 208 хоног үлдлээ.
-
Цаг агаар өдөртөө 21 хэмийн дулаан бол шөнөдөө 6 градус дулаан байх нь ээ.
-
Билгийн тооллын 1, Гөрөөсөн толгой одтой, хар бар өдөр. Өдрийн наран мандах, жаргах цаг нь 4:54-20:48. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
-
Валют арилжааны төвд ам.долларын авах ханш 3397.00 төгрөг, зарах нь 3402.00 төгрөг байна. Харин рублийн авах ханш 38.20, зарах ханш 38.80, юанийн авах ханш 462.80, зарах ханш 468.70, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 08.00 цагт: Жендэрийн Үндэсний хорооны ажлын албаны дарга Т.Энхбаяр “Сонгууль ба жендэр” сэдвээр сэтгүүлчидтэй уулзана.
- 11.00 цагт: Нээлттэй нийгэм форумд: “УИХ-ын 2024 оны сонгуулийн үйл явцын ажnглалт, мониторинг” сэдвээр хэвлэлийн хурал зарлажээ.
- 11.00-15:30 цагт: “Midway center”-т: Дэлхийн аварга, каратэгийн 8 дантай Мураками Манабугийн 2 дахь семинарын нээлт болно. Нээлтэд Япон улсад Элчин сайдаар ажиллаж байсан Р.Жигжид болон ОХУ-ын 40 багш, дасгалжуулагч, тамирчид оролцоно. Утас: 8805-8837.
- 11.00 цагт: “Монгол ньюс” мэдээллийн төвд: Иргэн Д.Хишигдэлгэр Баянгол дүүргийн Иргэний хэргийн анхан шатны шүүгч нартай холбоотой хохирсон талаар мэдээлэл хийнэ.
- 12.00-14.00 цагт: Буянт-Ухаа спортын ордонд: Олон улсын ХАА, ой, газар тариалангийн нэгдсэн үзэсгэлэн “Агро Экспо”, “Газар тариалангийн форум” болно. Утас: 8088-1187.9423-3150.
- 13.30 цагт: “Новотел”-д: Эрүү шүүлтийн хохирогчдод дэмжлэг үзүүлэх олон улсын өдөр “Эрүү шүүлтгүй Монголын төлөө” хэлэлцүүлэгтэй.
“ЗМ”-ний мэдээллийн төвд:
- 11.00 цагт: Иргэдийн төлөөллөөс “Нийт монголчууддаа сонордуулах уриалга” гаргаж буй талаар мэдээлнэ.
- 11.30 цагт: “Төрд хүргэх малчдын дуу хоолой” сэдвээр говийн бүсийн малчид мэдээлнэ.
- 12.00 цагт: Түмэнд сонордуулах “Ардын үг” сэдвээр “Гал манах илч” ТББ мэдээлэл хийнэ.
Энэ өдөр дэлхийн түүхэнд:
- 879 - Ромын пап VIII Жон Их Ван Бранимирын захиргаан дахь Хорватын вант улсыг тусгаар улс хэмээн хүлээн зөвшөөрчээ.
- 1099 - Загалмайтны анхдугаар аян дайн: Йерусалемын бүслэлт эхлэв.
- 1494 - Испани, Португалийн хаант улс Тордесилласын гэрээнд гарын үсэг зурав. Ингэснээр шинэ тутам нээгдээд байсан "Шинэ Ертөнц"-ийг хуваан эрхшээхээр болсон юм.
- 1654 - Францын хаан ширээнд XIV Луй суулаа.
- 1692 - Ямайкын Роял эрэгт маш хөнөөлтэй газар хөдлөлт болж 1600 хүн амиа алдан, 3000 хүн хүнд бэртжээ.
- 1788 - Францын хувьсгал: Гренобль хотын иргэд эзэн хааны цэргүүд дээрээс дээврийн хавтан шидэж эсэргүүцлээ илэрхийлэв.
- 1810 - Аргентин улсад "Буенос Айресын мэдээ" сонин хэвлэгдсэн нь тус улсын түүхэнд анхных нь юм.
- 1832 - Квебек мужид "Азийн холер" өвчин дэгдэв. Ирландын цагаачдаас тархсан уг халдварын улмаас Доод Канадын 6000 хүн нас баржээ.
- 1862 - Их Британи болон АНУ-ын хооронд Лион-Сьюардын гэрээ хэрэгжиж эхлэв. Уг гэрээгээр хоёр улс боолчлолын худалдааг зогсоосон юм.
- 1863 - Франц улс Мексикт цэрэг оруулав. Ингэснээр нийслэл Мехико хот Француудын мэдэлд шилжжээ.
- 1892 - АНУ-д нэгэн машинд "зөвхөн цагаан арьстнууд сууна" гэсэн тэмдэглэгээг зөрчсөн Хомер Плессигийн хэргийг шүүхэд хэлэлцээд түүнийг буруутай гэж үзэв.
