Өнөөдрийн тухай таны мэдэх ёстой 18 зүйл: Н.Номтойбаярын СЕХ-нд холбогдуулан гаргасан нэхэмжлэлийг шүүхээр хэлэлцэнэ

Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Зургадугаар сарын 6-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 158 дахь өдөр бөгөөд он дуусахад 208 хоног үлдлээ.

2. Цаг агаар өдөртөө 19 хэмийн дулаан бол шөнөдөө 4 градус дулаан байх нь ээ. 

3. Билгийн тооллын 30, Чөлөөт эх одтой, цагаагчин үхэр өдөр. Өдрийн наран мандах, жаргах цаг нь 4:54-20:47. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, мал арилжих, гэр бүрэхэд сайн. Улааны үйлд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.

4. Валют арилжааны төвд ам.долларын авах ханш 3385.00 төгрөг, зарах нь 3396.00 төгрөг байна. Харин рублийн авах ханш 38.20, зарах ханш 38.80, юанийн авах ханш 462.80, зарах ханш 468.70, вонийн авах ханш 2.26, зарах ханш 2.49 төгрөг байна.

Өнөөдөр болох онцлох үйл явдлууд: 

1. 08.00 цагт Засгийн газар хуралдана.
2. 09:00 цагт: ГХЯ-нд: Зүүн Хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын 9 дэх бага хурал эхэлнэ. 
3. 09:00-13:00 цагт: “Блью Скай”-д: Хэвлэл мэдээллийн зөвлөл “Монголын иргэний нийгмийн эгэх хариуцлагын өнөөгийн байдал” сэдэвт  уулзалт зохион байгуулна.
4. 11:00 цагт: ХЭҮК-д: УИХ-ын 2020 оны ээлжит сонгуулиар гарсан болон УИХ-ын 2024 оны сонгуулиар гарч болзошгүй хүний эрхийн зөрчлийн талаар мэдээлнэ. 
5. 13:00 цагт: Богд хааны музейд: “International awards-2024” болох талаар хэвлэлийн хурал зарлажээ. 
6. 14:00 цагт: Нийслэлийн захиргааны хэргийн анхан шатны шүүх (Дашчойлон хийдийн ард)-д: “Үндэсний эвсэл"-ийн тэргүүн Н.Номтойбаярын СЕХ-нд холбогдуулан гаргасан нэхэмжлэлийг шийдэх хурал нээлттэй болно. 
7. 15:00 цагт: ШУА-ийн Их сургууль (UMAS) албан ёсоор байгуулагдаж нээлтээ хийнэ. 
8. 14.00 цагт "Үндэсний эвсэл"-ийн тэргүүн Н.Номтойбаярын СЕХ-нд холбогдуулан гаргасан нэхэмжлэлийг шийдэх шүүх хурал Нийслэлийн захиргааны хэргийн анхан шатны шүүхэд болно.

Энэ өдөр дэлхийн түүхэнд: 

1.  1971 - ЗХУ-ын хөөргөсөн "Союз-11" хөлөг сүйрэв. Хөлөгт сууж явсан Георгий Доброловсзки, Владислав Волков, Виктор Пацаев нарын амь нас сүйджээ.

2. 1975 - Британичууд Европын эдийн засагт үлдэх эсэхээ бүх нийтийн санал асуулга зохион байгуулав. Санал асуулгад оролцогчдын 67 хувийн саналаар гишүүнчлэлээрээ үлджээ.

3. 1982 - Ливаны дайн дэгдэв. Израилын Батлан хамгаалахын сайд Ариел Шарон Ливаны өмнөд хэсэгт хяналтаа тогтоож, улмаар Бейрут руу дөхөж эхэлжээ.

4. 1993 - Монгол Улсад Ерөнхийлөгчийн сонгууль анх удаагаа болж олонхын саналаар П.Очирбат Ерөнхийлөгчөөр сонгогдов.

5. 2002 - Газар дундын тэнгист жижиг хэмжээний солир унав. Цохилтын хүч 26 килотонноор хэмжигдэж байсан юм.

6. 2017 - Сирийн иргэний дайн: Раккагийн тулаан эхлэв. Исламын Улс бүлэглэлийн хяналтад байсан Ракка хотод хяналтаа тогтоох зорилгоор Сирийн ардчилсан хүчин дайралт хийжээ.