Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 31-ий өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 152 дахь өдөр бөгөөд он дуусахад 214 хоног үлдлээ.
- Цаг агаар өдөртөө 20 хэмийн дулаан бол шөнөдөө 3 градус дулаан байх нь ээ.
- Билгийн тооллын 23, Шувуун хошуут одтой, хөхөгчин хонь өдөр. Өдрийн наран мандах, жаргах цаг нь 4:58-20:42. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Валют арилжааны төвд ам.долларын авах ханш 3385.00 төгрөг, зарах нь 3396.00 төгрөг байна. Харин рублийн авах ханш 38.20, зарах ханш 38.80, юанийн авах ханш 462.80, зарах ханш 468.70, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 10.00-12.00 цагт Хэвлэлийн Хүрээлэнгийн Мэдээллийн төвд Хэвлэл мэдээллийн судалгаа: Монголын хэвлэл мэдээлэл өнөөдөр хэлэлцүүлэг болно.
- 11.00 цагт Гадаадад эмчлүүлж буй хүүхдүүдэд Эрүүл мэндийн халамж, төрийн үйлчилгээ хэрэгтэй байгаа талаар Эрүүл мэндийн яамны үүдэнд мэдээлэл хийнэ.
- 11.00 цагт “Зууны мэдээ” сонины “Үндэсний мэдээллийн төв”-д СХД-т нэр дэвшигч Ч.Номин хууль зөрчсөн асуудлаар тэмцэгчид СЕХ-нд шаардлага хүргүүлж өлсгөлөн зарлах болсон тухай мэдээлнэ.
- 11:30 цагт “Зууны мэдээ” сонины “Үндэсний мэдээллийн төв”-д Төгс-Орд капитал ХХК хуурамч бичиг баримт бүрдүүлэн иргэдийг хууран мэхлэн 4,5 тэрбум төгрөг луйвардсан талаар мэдээлэл хийнэ.
- СЭМҮТ-ийн удирдлагууд 2 жил гаруй хугацаанд эмч, мэргэжилтнүүдийнхээ цалинг олголгүй, хууль бусаар хасалт хийж байгаа талаар тус эмнэлэгийн эмч, мэргэжилтнүүд СЭМҮТ-ийн урд мэдээлэл хийнэ.
Энэ өдөр дэлхийн түүхэнд:
- 1971 - АНУ-ын Конгресс 1968 онд Дурсгалын өдрийг тэмдэглэх тухай хууль гаргасны дагуу АНУ даяар Дурсгалын өдрийг анх удаа тэмдэглэв.
- 1973 - Камбожийн Кхмерийн хөдөлгөөнийг намжаах, тус улсад дэгдсэн иргэний дайныг эцэслэх зорилготой цэргийн ажиллагааны санхүүжилтийг зогсоохоор болжээ.
- 1977 - Транс-Аляскийн байгалийн хийн хоолой баригдаж дуусав.
- 1991 - Ангол улсад олон намын тогтолцоог ардчиллыг хөгжүүлэх зорилгор НҮБ-ын энхийг сахиулагчид цэргийн ажиллагаа явуулахаар нэвтэрчээ.
- 2008 - Нэрт гүйгч Усайн Болт 100 метрийг 9.72 секундэд туулснаар дэлхийн дээд амжилтыг шинэчлэн тогтоов.
- 2013 - "1998 QE2" нэртэй солир дэлхийтэй хамгийн ойрхон зөрж өнгөрөв. Хоёр зууны дараа энэ солир дэлхийтэй дахин ойртож ирэх ажээ.
- 2017 - Афганистаны нийслэл Кабул хотод байрлах Германы элчин сайдын яамны урд оргил цагийн үеэр бөмбөг дэлбэрч 90 гаруй хүн амиа алдан, 150 хүн шархаджээ.
- 2019 - АНУ-ын Виржиниа мужийн амралтын газарт зэвсэглэсэн этгээд халдаж 13 хүн амиа алдан, дөрвөн хүн шархдав.
