Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 151 дахь өдөр бөгөөд он дуусахад 215 хоног үлдлээ.
- Цаг агаар өдөртөө 14 хэмийн дулаан бол шөнөдөө 1 градус дулаан байх нь ээ.
- Билгийн тооллын 22, Чөдөр одтой, хөх морь өдөр. Бархасбадь гараг. Өдрийн наран 4 цаг 58 минутад мандан, 20 цаг 41 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, хагалгаа хийлгэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал эд эдлэл, идээ ундаа элбэг олдоно.
- Валют арилжааны төвд ам.долларын авах ханш 3385.00 төгрөг, зарах нь 3396.00 төгрөг байна. Харин рублийн авах ханш 38.20, зарах ханш 38.80, юанийн авах ханш 462.80, зарах ханш 468.70, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 10.00 цагаас Их дэлгүүрийн 7 давхарт "Миний дуу хоолой - Бидний эрх" хөгжлийн бэрхшээлтэй хүүхдүүдийн анхдугаар форум болно.
Энэ өдөр дэлхийн түүхэнд:
- 1631 онд Францын анхны хэвлэмэл сонин "Gazette de France" сонин хэвлэгдэж эхлэв.
- 1635 онд Төв Европын ихэнх улсуудын хооронд өрнөсөн 30 жилийн дайн эцэслэжээ.
- 1834 онд Португалийн хууль зүйн сайд Хоаким Антониу дэ Агуар католик сүмийн захиалгаар сүм, сургааль, олон нийтийн газруудыг шашны сургуульд нэгтгэх шийд гаргав.
- 1845 онд Тринидад Тобагод Энэтхэгийн хөлөг онгоц анх удаагаа газарджээ.
- 1883 онд Алдарт "Брүүклин" гүүрийн нээлтийн үеэр цугласан олон шахцалдаж 12 хүн амиа алдав.
- 1913 онд Лондон хотод сөргөлдөгч талууд гарын үсэг зурснаар Балканын анхдугаар дайн өндөрлөжээ.
- 1922 онд АНУ-ын нийслэл Вашингтон хотод Линкольны дурсгалын цогцолбор нээлтээ хийв.
- 1959 онд Шинэ Зеландын Вейтмата болон Оклэнд боомтыг холбосон "Оклэндийн гүүр" ашиглалтад оржээ.
- 1961 онд Доминикан улсыг олон жил удирдсан Рафаел Трухило халдлагад өртөн амь насаа алдав.
- 1971 онд Ангараг гарагийн гадаргыг судлах зорилготой "Маринер 9" хөлөг амжилттай хөөрөв. Уг хөлөг Ангараг гарагийн гадаргуугын 70 хувийг картанд оруулж, хэд, хэдэн шинэлэг судалгаа хийсэн билээ.
