Өнөөдөр гадаа 12 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 29-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 149 дэх өдөр бөгөөд он дуусахад 217 хоног үлдлээ.
- Цаг агаар өдөртөө 12 хэмийн дулаан бол шөнөдөө 2 градус дулаан байх нь ээ.
- Билгийн тооллын 20, Яруу эгшигт одтой, хар луу өдөр. Өдрийн наран мандах, жаргах цаг нь 5:00-20:39. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3397.00 төгрөг, зарах нь 3402.00 төгрөг байна. Харин рублийн авах ханш 38.00, зарах ханш 38.40, юанийн авах ханш 468.00, зарах ханш 469.50, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- 09:00 цагт: Үндэсний цэцэрлэгт хүрээлэн дэх “Монгол цэрэг энхийн үйлсэд цогцолбор”-т Энхийг сахиулагчдыг хүндэтгэх ёслолын үйл ажиллагаа болно.
- 09:00 цагт: Төрийн ордонд: Ашигт малтмалын зөвшөөрөл, татвар, төлбөртэй холбоотой Хянан шалгах түр хорооны нотлох баримтыг шинжлэн судлах нээлттэй сонсгол эхэлнэ.
- Засгийн газар хуралдана.
- 09:30-14:00 цагт: “Холидэй Инн”-д: Нийслэлийн ЖДҮ, үйлчилгээний салбарт дижитал технологи, инновац нэвтрүүлэх “Digital SME-2024” форум болно.
- 10:00-14:00 цагт: Улсын их дэлгүүрт: Хөгжлийн бэрхшээлтэй хүүхдийн “Миний дуу хоолой-Бидний эрх” анхдугаар форум болно.
- 10:00 цагт: Орос-Монголын хамтарсан 162 дугаар сургуулийн сурагчдад ОХУ-ын Свердловск мужийн үе тэнгийнхний бэлэглэсэн номнуудыг хүлээлгэж өгнө.
- 14:00 цагт: Богд хааны музйед: “Элэг бүтэн монгол” үндэсний хөтөлбөр-ийн ХУД-ийн Эрүүл мэндийн төвийн өдөрлөг болно.
Энэ өдөр дэлхийн түүхэнд:
- 1328 - Францын хаан ширээнд VI Филип суув.
- 1416 - Пиетро Лореданаар удирдуулсан Венецийн арми хүн хүчээр хавь илүү Османы цэргийн хүчинд бут ниргүүлжээ.
- 1453 - Османы эзэнт гүрний Султан II Мехмед Фатих 53 хоног бүсэлсний эцэст эзлэн авав. Ингэснээр Византын эзэнт гүрэн мөхсөн билээ.
- 1660 - Англи, Шотланд, Ирланд улсын нэгдсэн хаан ширээнд II Чарльз суув.
- 1733 - Америкийн нутаг дахь Францын колони Шинэ Франц уугуул иргэдийг боолчлохыг хүлээн зөвшөөрчээ.
- 1780 - Америкийн хувьсгал: Британийн цэргийн хүч Эх газрын армыг устгах зорилгоор хүчтэй дайралт хийв. Дайралтын улмаас 113 хүн амиа алдаж, 53 хүн шархаджээ.
- 1790 - Хойд Америкийн 13 колониос хамгийн сүүлд Род Айленд муж Үндсэн хуулийг хүлээн зөввшөөрчээ.
- 1807 - Османы Султан бөгөөд Исламын Халифын суудалд IV Мустафа суув.
- 1848 - Висконсин муж Нэгдсэн улсын 30 дахь муж улс болжээ.
- 1861 - Хонконгийн Үндэсний худалдааны танхим байгуулагдав.
- 1867 - Австри-Унгарын санамж бичиг байгуулагдсанаар Австри-Унгарын эзэнт гүрэн албан ёсоор байгуулагджээ.
- 1868 - Сербийн хунтайж III Михало Обреновичийн амь насанд халдав.
- 1886 - Эмч Жон Пембертон "Атланта Журнал" сонинд "Кока-Кола" ундааны анхны сурталчилгааг нийтэлжээ.
