Өнөөдөр гадаа 18 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 149 дэх өдөр бөгөөд он дуусахад 217 хоног үлдлээ.
- Цаг агаар өдөртөө 18 хэмийн дулаан бол шөнөдөө 3 градус дулаан байх нь ээ.
- Билгийн тооллын 20, Яруу эгшигт одтой, хар луу өдөр. Өдрийн наран мандах, жаргах цаг нь 5:00-20:39. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3397.00 төгрөг, зарах нь 3402.00 төгрөг байна. Харин рублийн авах ханш 38.00, зарах ханш 38.40, юанийн авах ханш 468.00, зарах ханш 469.50, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- 08.00 цагт “Улсын төсвийн асуудлаар сурвалжлах нь” Өглөөний уулзалт
Нээлттэй нийгэм форумын байранд болно. Оролцогчид: Энэхүү уулзалт нь улсын төсвийн асуудлаар сурвалжлах, сэтгүүлзүйн бүтээл хийх сонирхолтой сэтгүүлчдэд нээлттэй.
- УИХ-ын Байнгын хороодын хуралдаан Төрийн ордонд болно.
- Улаанбаатар чуулгын жуулчдад зориулсан энэ зуны танилцуулга тоглолт 14 цагт Улаанбаатар театрт болно.
- Монгол Улсын Ардын жүжигчин, А.Энхтайваны “Балжийн гол” уран бүтээлийн чуулбар цэнгүүн УДБТ-т болно.
Энэ өдөр дэлхийн түүхэнд:
- 1940 онд Дэлхийн хоёрдугаар дайн: Бельгийн цэргүүд Нацистын Германд бууж өгөв.
- Дэлхийн хоёрдугаар дайн Норвеги, Франц, Польш, Британийн цэргийн нэгдсэн хүч Норвегийн Нарвик хотод эргэн хяналтаа тогтоов. Уг дайнд холбоотон гүрнүүд явган цэргийн тулаанд ялсан анхны тохиолдол байсан юм.
- 1942 онд Дэлхийн хоёрдугаар дайн: Чехословакын босогчид Нацистын Германы дэд захирагч Райнханд Хайрихын амь насанд халдах оролдлого хийж, 1800 хүн амиа алдав.
- 1958 онд Кубын хувьсгал: Фидель Кастрогийн удирдсан "Эль Уверо" хөдөлгөөнд босогчид нэгдэж эхлэв.
- 1974 онд Умард Ирланд засаглалаа хуваах "Санниндейлын гэрээ"-нд гарын үсэг зурснаар тус улсын иргэд эсэргүүцлийн жагсаал зарлав.
- 1996 онд АНУ-ын Ерөнхийлөгч Билл Клинтоны гэр бүл бизнесийн хамтрагч МакДугалын гэр бүлийнхэнтэй "Уайтуотер"-ын газар худалдах гэрээ нь хууль зөрчсөн гэж үзэн мөнгө угаасан гэх хэрэг үүсгэжээ.
- 1999 онд Италийн Милан хотод суут зураач Леонардо да Винчигийн "Сүүлчийн оройн зоог" бүтээлийг 22 жилийн дараа сэргээн засварлав.
- 2002 онд 9/11-ний халдлагын дараа үлдсэн хамгийн сүүлийн төмөр бетон кракасыг ослын газраас авав. Ингэснээр барилгын хог хаягдалыг цэвэрлэх ажил албан ёсоор дуусжээ.
- 2011 онд Мальта улсыг засаглалын хувьд хоёр хуваах эсэхийг ард нийтээсээ асуув. Санал асуулгад оролцогчдын 53 хувь нь зөвшөөрөөгүй юм.
