Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 143 дахь өдөр бөгөөд он дуусахад 222 хоног үлдлээ.
- Цаг агаар өдөртөө 21 хэмийн дулаан бол шөнөдөө 8 градус дулаан байх нь ээ.
- Билгийн тооллын 15, Онгоц одтой, улаагчин гахай өдөр. Өдрийн наран мандах, жаргах цаг нь 5:04-20:34. Тухайн өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал, жатхыг буцаах, нялхсын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Валют арилжааны төвд ам.долларын авах ханш 3386.00 төгрөг, зарах нь 3391.00 төгрөг байна. Харин рублийн авах ханш 35.50, зарах ханш 36.00, юанийн авах ханш 468.00, зарах ханш 469.50, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- Төрийн ордонд Алдарт эхийн одон гардуулна
- Бурхан багшийн их дүйчин өдөр тохиож байна
- 11:00 цагт: Эрэлхэг зоригт уулчиддаа зориулан дурсгалын мод тарих үйл ажиллагаа БЗД, Олон улсын эко цэцэрлэгт хүрээлэнд болно.
Энэ өдөр дэлхийн түүхэнд:
- 1911 онд Нью-Йорк хотын номын санг нийтийн эзэмшилд шилжүүлэв.
- 1932 онд Бразилийн дарангуйлагч Гетулиу Варгасын засаглалыг эсэргүүцсэн дөрвөн оюутныг олны нүдэн дээр буудан хороожээ. Үүнээс хэдхэн долоо хоногийн дараа Бразилийн Үндсэн хуулийн хувьсгал эхэлсэн байна.
- 1951 - Төвдийг чөлөөлөх энхийн гэрээнд БНХАУ, Төвд улс гарын үсэг зурав.
- 1995 - Дэлхийн алдарт үйлдлийн хэл гэгдэх "JAVA" хэрэглээнд нэвтэрчээ.
