Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 138 дахь өдөр бөгөөд он дуусахад 228 хоног үлдлээ.
- Цаг агаар өдөртөө 14 хэмийн дулаан бол шөнөдөө 1 градус дулаан байх нь ээ.
- Билгийн тооллын 9, Бага морь одтой, цагаагчин могой өдөр. Өдрийн наран мандах, жаргах цаг нь 5:11-20:26. Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, сан тавиулах, угаал үйлдэх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, сэтгэлд сэвтэй газар очих, байшингийн суурь тавихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй. Дашням өдөр
- Валют арилжааны төвд ам.долларын авах ханш 3391.00 төгрөг, зарах нь 3394.00 төгрөг байна. Харин рублийн авах ханш 36.20, зарах ханш 36.50, юанийн авах ханш 468.00, зарах ханш 469.50, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- 09.30 цагт: “Шангри-Ла”-д: “АмЧам Монгол” тавдугаар сарын хурлаа “Хиймэл оюун ухаан бизнесийн салбарт үзүүлэх нөлөө” сэдвээр зохион байгуулна.
- 10.00-12.00 цагт: “Пума имперал”-д: “Шийдвэр гаргах түвшин дэх эмэгтэйчүүдийн оролцоо” судалгааны дүнг танилцуулна.
- 11.00 цагт: ҮСХ-нд: Монгол Улсын нийгэм, эдийн засгийн 2024 оны эхний 4 сарын голлох үзүүлэлтийг танилцуулна.
- 14.00 цагт: Чойжин ламын сүм музейд: Олон улсын музейн өдрийг тохиолдуулан “Музей боловсрол, судалгаа" хэлэлцүүлэг уулзалт болно.
“ЗМ”-ний мэдээллийн төвд:
- 11.00 цагт: "Өргүй монгол хөдөлгөөн", "Зээлтэй иргэдийн холбоо"-ноос мэдээлэл хийнэ.
- 11.40 цагт: Богд хааны ордон музейд “Бурхан багшийн лагшин эрдэнэс” залрах талаар мэдээлнэ.
- 13.00 цагт: Нийслэлийн аялал жуулчлалын газар болон Бөөгийн холбоодын нэгдлээс Монгол Улсад дэлхийн 28 улсын бөө оролцсон фестиваль болох талаар хэвлэлийн хурал зарлажээ.
- 14.30 цагт: Монголын эмэгтэйчүүдийн холбооноос "Хавдаргүй Монгол" төслийн хүрээнд бүх сумын эмнэлгийн эмэгтэйчүүдийн төрөх орыг шинэчлэх ажил эхэлсэн талаар мэдээлнэ.
- 10:00 цагт: Онцгой байдлын байгууллагын 20 жилийн ойд зориулсан цэргийн ёслолын жагсаал маргааш буюу тавдугаар сарын 17-нд Сүхбаатарын талбайд болно. Харилцах утас:86150069
Энэ өдөр дэлхийн түүхэнд:
- Дэлхийн цус харвалтын өдөр
- Дэлхийн мэдээллийн байгууллагуудын өдөр
- 1521 - Букингемийн гүн Эдуард Стаффордыг улс орноосоо урвасан гэх үндэслэлээр цаазаар авав.
- 1536 - Английн хаан VIII Хенри, Анна Болейн нар гэрлэлээ цуцлуулжээ.
- 1590 - Данийн хатан хаан Анна Шотландын хатан хаан болов.
- 1673 - Францын аялагч Луй Жоллье, Жак Маргет нар Миссиппи голыг судлах аяндаа гарчээ.
- 1792 - Баттонвүүдийн гэрээгээр Нью-Йоркын хөрөнгий бирж байгуулагдав.
- 1805 - Египтийн хаан ширээнд Валигийн гүн Мухаммад Али суужээ.
- 1809 - Францын эзэн хаан I Наполеон Папын харьяанд байсан мужуудыг булаан эзлэх зарлиг буулгав.
- 1814 - Норвегийн Үндсэн хуульд Данийн угсаа залгамжлах хунтайж Кристиан Фредерик гарын үсэг зурснаар Норвегийн хаан болжээ.
- 1859 - Австралийн үндэсний хөлбөмбөгийн дүрэм албан ёсоор батлагдав.
