Өнөөдөр гадаа 17 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 135 дэх өдөр бөгөөд он дуусахад 231 хоног үлдлээ.
- Цаг агаар өдөртөө 17 хэмийн дулаан бол шөнөдөө 0 хэмийн хүйтэн байх нь ээ.
- Билгийн тооллын 7, Найралт эх одтой, шар бар өдөр. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3391.00 төгрөг, зарах нь 3394.00 төгрөг байна. Харин рублийн авах ханш 36.20, зарах ханш 36.50, юанийн авах ханш 470.50, зарах ханш 471.50, вонийн авах ханш 2.48, зарах ханш 2.49 төгрөг байна.
Өнөөдөр болох онцлох үйл явдлууд:
- 08.30-11.00 цагт Яармаг дахь Нутгийн захиргааны цогцолборт: Нийслэл, дүүргийн ИТХ, Засаг даргын Тамгын газар, газар, хэлтэс, агентлагийн төрийн албаны тусгай шалгалт 2 дахь өдрөө үргэлжилж байна.
“ЗМ”-ний мэдээллийн төвд:
- 11.30 цагт ХУД-ийн ИТХ сонгогчийн эрхийг зөрчсөн тогтоол гаргаж, төрийн эрхийг хууль бус аргаар авах гэж байгаа талаар дүүргийн АН-ын хорооноос мэдээлэл хийнэ.
- 15.00 цагт “Growl of Clown” хамтлагаас “Рок хувьсгал” уриан дор Wake Up амьд хөгжмийн фестиваль зохион байгуулах талаар мэдээлнэ. Утас: 8877-0147.
Энэ өдөр дэлхийн түүхэнд:
- 1264 - Левес орчимд Английн хаан III Хенри барьцаалагдав. Ингэснээр Английг Симон де Монфор захирах болжээ.
- 1607 - Виржиниа мужийн Жеймстаун хот Английн колони болов.
- 1610 - Францын хаан IV Анри халдлагад өртөн амиа алджээ. Ингэснээр Францын хаан ширээнд XIII Луй суусан юм.
- 1643 - 33 жилийн өмнө Францын хаан ширээнд суусан XIII Луй хаан ширээнд суусан өдрөө нас нөгчив. Түүний хүү дөрвөн настай XIV Луй Францыг захирах болсон билээ.
- 1747 - Финистрье хошууны эхний тулаанд Адмирал Жорж Энсоноор удирдуулсан Британийн флот Францын тэнгисийн цэргийн хүчийг буулган авав.
- 1787 - АНУ-ын Филадельфи мужид Үндсэн хуулийн зөвлөл хуралдаж, шинэ Үндсэн хуулийг боловсруулж эхэлжээ. Зөвлөлийн гишүүд Ерөнхийлөгчийн суудалд Жорж Вашингтоныг суулгахаар шийдвэрлэсэн байна.
- 1800 - АНУ-ын Засгийн газар нийслэл хотоо Филадельфигээс Вашингтон хот руу шилжүүлэх үйл явц эхлэв.
- 1863 - Америкийн иргэний дайн: Жексоны тулаан эхэлжээ.
- 1870 - Регби спортын анхны тоглолт болов. Анхны тоглолт Шинэ Зеландын Нелсоны коллежид болсон юм.
