Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 131 дэх өдөр бөгөөд он дуусахад 235 хоног үлдлээ.
- Цаг агаар өдөртөө 8 хэмийн дулаан бол шөнөдөө 4 хэмийн хүйтэн байх нь ээ.
- Билгийн тооллын 2, Гөрөөсөн толгой одтой, хөх нохой өдөр. Өдрийн наран мандах, жаргах цаг нь 5:20-20:17. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3386.00 төгрөг, зарах нь 3391.00 төгрөг байна. Харин рублийн авах ханш 35.50, зарах ханш 36.00, юанийн авах ханш 468.00, зарах ханш 469.50, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- 09.00 цагт: “Шинэ үеийн залуу судлаач 2024” эрдэм шинжилгээний нэгдсэн хурал МУИС-ийн Багш, оюутны хөгжлийн төв V давхарт болно.
- “Дундговио ногооруулъя” тарьц, суулгац, багаж тоног төхөөрөмж, төмс хүнсний ногоо, мандлын цэцгийн үр, үрсэлгээний үзэсгэлэн худалдаа болно.
- УИХ-ын чуулганы нэгдсэн хуралдаан болно.
- Морин хуурын чуулгын “Монгол” уран бүтээлийн тоглолт Улсын Филармонийн тайзнаа болно.
- XAOS-Экспериментал хөгжим, дүрслэх урлагийн олон улсын наадам болно.
- Газар тариалангийн бүс нутаг болох Сэлэнгэ аймагт Шинжлэх ухаан, технологи, инновацийг орон нутагт түгээн дэлгэрүүлэх аяны 12 дахь удаагийн арга хэмжээ болно.
Энэ өдөр дэлхийн түүхэнд:
- 1975 онд Технологийн алдарт "Сони" компани анх удаагаа дүрс бичлэг тоглуулагчийг Япон улсад худалдаанд гаргажээ.
- 1981 онд Францын Ерөнхийлөгчийн сонгуульд Социалист намаас нэр дэвшсэн Франсуа Миттеран ялалт байгуулав. Ингэснээр тавдугаар бүгд найрамдах улсаас хойш тус улсыг удирдсан анхны социалист удирдагч болов.
- 1994 онд Өмнөд Африкын Ерөнхийлөгчөөр сонгогдсон Нелсон Мандела албан ёсны тангараг өргөснөөр тус улсыг удирдсан анхны хар арьст Ерөнхийлөгч болжээ.
- 1997 онд Иран улсын Хорасан мужид 7.3 магнитудын хүчтэй газар хөдөлж 1,567 хүн амиа алдан, 2300 хүн бэртэж, гэмтэн, 50 000 айл орох оронгүй болжээ.
- 2002 онд ОХУ-ын Засгийн газарт АНУ-ын тагнуулын нууц мэдээллийг 1.4 сая ам.доллар бэлнээр, очир эрдэнэ зэргээр наймаалцсан нь тогтоогдсон Холбооны мөрдөх товчооны мөрдөгч Роберт Ханссенд бүх насаар нь хорих ял оноов.
- 2005 онд Гүрж улсад албан ёсны айлчлал хийсэн АНУ-ын Ерөнхийлөгч Жорж В.Бушийг Тбилис хотод Гүржийн Ерөнхийлөгч Михайл Саакашвилитэй уулзах үеэр Владимир Арутюниан гэгч гар бөмбөгөөр амь насанд нь халдахыг завдав. Түүнд шүүхээр бүх насаар нь хорих ял оноосон билээ.
- 2012 онд Сирийн Дамаск хотод байрлах цэргийн тагнуулын цогцолборын урд амиа золиослогч этгээд бөмбөг дэлбэлж 55 хүн амиа алдан, 400 хүн шархаджээ.
- 2013 онд АНУ-ын Нью-Йорк хотод дэлхийн худалдааны ихэр цамхагийн буурин дээр "One World" дэлхийн худалдааны төв ашиглалтад оров. Ингэснээр Хойд болон Өмнөд Америк тив дэх хамгийн өндөр барилга болсон.
