Өнөөдөр гадаа 16 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 124 дахь өдөр бөгөөд он дуусахад 242 хоног үлдлээ.
- Цаг агаар өдөртөө 16 хэмийн дулаан бол шөнөдөө -2 градус хүйтэн байх нь ээ.
- Билгийн тооллын 25, Чөдөр одтой, улаагчин туулай өдөр. Бархасбадь гараг. Өдрийн наран 5 цаг 44 минутад мандан, 19 цаг 56 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хуримыг хийх, огторгуйн үүд боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал өнгө зүс доройтно.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 10.30 цагаас Нийслэлийн Ардчилсан нам Соёлын төв өргөөний хажууд буюу хүзүүвчинд үүдэнд цаг үеийн асуудлаар хэвлэлийн бага хурал хийнэ.
- Сонгуулийн ерөнхий хорооны дарга П.Дэлгэрнаран, зарим улс төрийн намын төлөөлөл 12.00 цагт Улсын бүртгэлийн ерөнхий газарт ажиллана.
- 13.00 цагт МУИС-ийн 1-р байр Эрдмийн танхимд МУИС-ийн Газарзүйн тэнхимээс М.Баянтөр багшийнм 90 насны ойн хүрээнд эрдэм шинжилгээний хурлыг хийнэ.
Энэ өдөр дэлхийн түүхэнд:
- 1616 онд Лүдуны гэрээнд гарын үсэг зурснаар Францын иргэний дайн эцэслэв.
- 1715 онд Умард Европ болон Умард Азийн зарим орнуудад сарны бүтэн хиртэлт тохиов.
- 1802 онд АНУ-ын нийслэл Вашингтон хот албан ёсоор байгуулагджээ.
- 1837 онд Грекийн нийслэл Афин хотод Афиний их сургууль байгуулагдав.
- 1855 онд Америкийн адал явдал хайгч, аялагч Уиллиам Уолкер 60 эрийн хамтаар Никарагуа улсыг зорив.
- 1860 онд Швед-Норвегийн хаан ширээнд XV Чарльз суужээ.
- 1901 онд АНУ-ын Флорида мужид их түймэр дэгдэв. Гал түймрийн улмаас 2 368 барилга, байгууламж сүйдсэн юм.
- 1913 онд Энэтхэгийн хамгийн анхны бүрэн хэмжээний кино болох "Ража Харишандра" кино дэлгэцэнд гарав.
- 1937 онд Америкийн нэрт зохиолч Маргарет Митчелийн "Салхинд туугдагсад" зохиол Пулитцерийн шилдэг зохиолын шагнал хүртэв.
- 1947 онд Дайны дараа Япон улсад шинэ үндсэн хууль мөрдөгдөж эхлэв.
