Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 121 дахь өдөр бөгөөд он дуусахад 245 хоног үлдлээ.
- Цаг агаар өдөртөө 19 хэмийн дулаан бол шөнөдөө 0 градус дулаан байх нь ээ.
- Билгийн тооллын 22, Хонгорцог одтой, шарагчин хонь өдөр. Бархасбадь гараг. Өдрийн наран 5 цаг 44 минутад мандан, 19 цаг 56 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хуримыг хийх, огторгуйн үүд боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал өнгө зүс доройтно.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 11.30 цагаас “Зууны мэдээ” сонины “Үндэсний мэдээллийн төв”-д Орон нутгийн хөгжил дэвшилд хориг саад болж буй асуудал болон Иргэд нутагтаа тав тухтай таатай орчинд амьдрах эрхээ эдлэх тухай асуудлаар Орон нутгийн иргэдээс мэдээлэл хийнэ.
Энэ өдөр дэлхийн түүхэнд:
- 1315 онд Франц улсаас урван тэрсэлж, хэт даврах үзэл гаргасан гэх үндэслэлээр Энгурран де Мариньиг дүүжлэн хороов.
- 1492 онд Испанийн эзэн хаан Кристофер Колумб болон түүний багийнханд аялах зөвшөөрөл олгожээ.
- 1513 онд Английн хаан VIII Хенри дараагийн хаан гэж хүндлэгдэж байсан Йоркийн гүн Эдмунд де ла Полыг дүүжлэн цаазлав.
- 1789 онд АНУ-ын Нью-Йорк хотын Уолл Стрийт гудамжны "Холбооны танхим"-д Жорж Вашингтон тангараг өргөж АНУ-ын анхны Ерөнхийлөгч болжээ.
- 1803 онд АНУ-ын засаг захиргаа Луйзана мужийн нутаг дэвсгэрийг Францаас 15 сая ам.доллараар худалдан авав.
- 1838 онд Никарагуа улс Төв Америкийн холбооны улсаас тусгаар тогтножээ.
- 1885 онд АНУ-ын Нью-Йорк хотын захирагч Девид Б.Хилл Ниагара хүрхрээ орчмыг дархан цаазтай болгож үндэсний цэцэрлэгт хүрээлэн, цогцолборт газар болгох тогтоолд гарын үсэг зурав.
- 1900 онд Хавай муж АНУ-ын засаг захиргаанд нэгдэв. Анхны амбан захирагчаар Сенфорд Б.Долыг томилжээ.
- 1925 онд АНУ-ын автомашин үйлдвэрлэгч Dodge компани Диллон-Рийд компанитай нэгдэх хэлцлийг зөвшөөрчээ. Диллон-Рийд компани Dodge компанийг тухайн үеийн ханшаар 146 сая ам.доллараар худалдан авсан юм.
- 1938 онд Алдарт Bugs Bunny цувралын анхны анги "Porky's Hare Hunt" нэртэйгээр үзэгчдийн хүртээл болжээ.
