Өнөөдөр гадаа 12 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 120 дахь өдөр бөгөөд он дуусахад 246 хоног үлдлээ.
- Цаг агаар өдөртөө 12 хэмийн дулаан бол шөнөдөө 0 градус дулаан байх нь ээ.
- Билгийн тооллын 17, Хонгорцог одтой, шарагчин хонь өдөр. Бархасбадь гараг. Өдрийн наран 5 цаг 44 минутад мандан, 19 цаг 56 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хуримыг хийх, огторгуйн үүд боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал өнгө зүс доройтно.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 10.00 цагаас УИХ дахь нам, бүлгүүдийн хуралдаан болно.
- 11.00 цагаас "Монгол ньюс" мэдээллийг төвд : Нийслэлийн Засаг даргын дэргэдэх “Уламжлалт анагаах ухааны элэг судлалын клиник төв”-ийн үйл ажиллагааг зогсоох шийдвэрийг эсэргүүцэж тус эмнэлгийн эмч, ажилчид мэдээлэл хийнэ.
- 11.00 цагаас "Зууны мэдээ" мэдээллийн төвд Иргэний нийгмийн байгууллагуудаас: Өмгөөлөгч Д.Батбаярын талаар мэдээлэл өгнө.
- 11.30 цагаас Үндэсний соёл амралтын хүрээлэнгийн тохижилттой холбоотойгоор нийслэлийн удирдлагууд хувийн хэвшлийн төлөөллийн эрх ашгийг зөрчиж буй талаар “Сөүл” ресторан компанийн төлөөлөл мэдээлэл хийнэ.
- 12.30 цагаас Монголын Хэвлэлийн хүрээлэнд: “Хамтын эрэн сурвалжлага” эрэн сурвалжлах сэтгүүл зүйн Үндэсний тэтгэлэгт хөтөлбөрийн нээлт болно.
Энэ өдөр дэлхийн түүхэнд:
- 1429 онд Жанна Д'Арк Орлианы бүслэлтийг сэтлэхээр ирэв.
- 1483 онд Канарын бүлэг арлын хамгийн том бөгөөд гол арал Кастиллийн хаант улсын мэдэлд шилжжээ.
- 1770 онд Их Британийн аугаа аялагч Жеймс Күүк Австралийн нутагт Ботани мөргөцөгт хүрчээ.
- 1837 онд Нэрт эрдэмтэн Чарльз Дарвин Бийгл хөлөгөөр хоёр дахь удаагаа аялалд гарав.
- 1862 онд Америкийн иргэний дайн: Девид Фаррагутаар удирдуулсан Холбоотны арми Нью-Орлиан мужийг бүслэв.
- 1910 онд Их Британийн парламент иргэдийг хөрөнгө оруулалтад оролцох, нийт хөрөнгөнөөсөө хувьцааны арилжаа хийх эрхийг баталгаажуулав.
- 1911 онд Хятадын боловсролын салбарт сургалтын хөтөлбөрөөрөө тэргүүлэгч Цинхуа их сургууль байгуулагджээ.
