Өнөөдөр гадаа 6 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 26-ны өдөр
Өглөөд заавал мэдэж байх ёстой зүйлүүд: Ус цаг уурын алба үүсэж хөгжсөний 100 жилийн ой тохиож байна
- Өнөөдөр бол жилийн 117 дахь өдөр бөгөөд он дуусахад 249 хоног үлдлээ.
- Цаг агаар өдөртөө 7 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 18, Онгоц одтой, цагаан бич өдөр. Өдрийн наран мандах, жаргах цаг нь 5:42-19:58. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, хараал, жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 09.00-15.00: Монгол улсад Ус цаг уурын алба үүсэж хөгжсөний 100 жилийн ойн арга хэмжээ Корпрэйт Конвеншин центрт болно.
- 09.00: "Ус цаг уур, орчны судалгаа-суперкомпьютер" сэдэвт Эрдэм шинжилгээний хурал болно.
- 10:00-11:00 цагт: Соёлын Яам, Монголын Урчуудын Эвлэлийн хамтран зохион байгуулдаг ULAANBAATAR ARTWEEK 2024-ийн Хэвлэлийн бага хурал МОНЦАМЭ агентлагийн мэдээллийн төвд болно.
- 11.00 цагт: “Оюутолгой” ХК-ийн 2024 оны нэгдүгээр улирлын тайлангийн хурал Моннис тауэрт болно.
“Үндэсний мэдээллийн төв”-д:
- 11:30 цагт: Оюуны өмчийг хамгаалж, үр шимийг нь хүртэх, соёлын экспорт хийхэд туслах байгууллага үйл ажиллагаагаа эхлүүлсэн талаар мэдээлнэ.
- 12:00 цагт: Монголын зээлтэй иргэдийн холбооноос Ипотекийн зээлийн шимтгэл 1 хувьтай холбоотой асуудлаар мэдээлэл өгнө.
- Нийслэлийн хөрс хамгаалах өдөр тохиож байна.
- “Алтай дамнасан тогтвортой байдлын яриа хэлэлцээ” хоёр дахь өдрөө үргэлжилнэ.
Энэ өдөр дэлхийн түүхэнд:
- 1903 онд Испанийн хамгийн амжилттай хөлбөмбөгийн клубийн нэг Атлетико Мадрид байгуулагдав.
- 1963 онд Ливи улс Их Британиас албан ёсоор тусгаар тогтнож, Ливийн хаант улс байгуулагджээ. Мөн тэд эмэгтэйчүүдийн санал өгөх эрхийг хуульчилсан юм.
- 1964 онд Африкийн Танганьяка болон Занзибар улсууд нэгдэж Танзани улсыг байгуулав.
- 1986 онд ЗХУ-ын бүрэлдэхүүнд багтах Украин улсын Припят хтод орших Чернобылын атомын цахилгаан станц сүйрэв. Энэ нь дэлхийн түүхэнд тохиосон хамгийн хөнөөлтэй АЦС-ын сүйрэл байсан юм.
- 2005 онд Сирийн зэвсэгт хүчний 14,000 цэрэг Ливаны анги нэгтгэлийн эсрэг тэмцэж улмаар тус улсад хяналтаа тогтоогоод байсан Ливаны дарангуйлал 29 жилийн дараа эцэслэсэн юм.
