Өнөөдөр гадаа 6 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 116 дахь өдөр бөгөөд он дуусахад 250 хоног үлдлээ.
- Цаг агаар өдөртөө 13 хэмийн дулаан бол шөнөдөө -6 градус хүйтэн байх нь ээ.
- Билгийн тооллын 17, Хонгорцог одтой, шарагчин хонь өдөр. Бархасбадь гараг. Өдрийн наран 5 цаг 44 минутад мандан, 19 цаг 56 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хуримыг хийх, огторгуйн үүд боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал өнгө зүс доройтно.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 11.00 цагаас “Зууны мэдээ” сонины “Үндэсний мэдээллийн төв”-д сэтгүүлч Болдко, Италта Пэйж Италта ХХК-ийн захирал Алтансүх нар “ГУРИЛЫН ҮНИЙГ БУУЛГАХ ТАЛААР” мэдээлэл өгнө.
- Их Британи, Умард Ирландын Нэгдсэн Хаант Улсын Гадаад хэрэг, Хамтын нөхөрлөл, Хөгжлийн сайд Дэвид Кэмерон албан ёсны айлчлал хийхээр 18.30 цагт Улаанбаатарт хүрэлцэн ирнэ.
Энэ өдөр дэлхийн түүхэнд:
- 1134 онд Түүхэн сурвалжид Загреб гэх нэрийг анх удаа ашиглажээ.
- 1644 онд Хятадын Мин гүрний сүүлчийн эзэн хаан Чонжен цэргийн жанжин Ли Зиченээр удирдуулсан бослогын улмаас амиа хорлов
- 1792 онд Францын төрийн дууллыг Клод Жозеф Руже де Лисль зохиож дуусав.
- 1898 онд АНУ Испанид дайн зарлалаа.
- 1901 онд АНУ-ын Нью-Йорк хот дэлхийн улсуудаас анх удаа автомашины дугаарыг олгож эхлэв.
- 1945 онд Итали улс Нацистын дарангуйллаас бүрэн чөлөөлөгдөв. Тус улсын хойд хэсэгт бүгээд байсан Нацистууд бууж өгөв. Хуучин дарангуйлагч Бенито Муссолиниг оргох гэж байхад нь баривчилж, олон нийтийн өмнө хатуу цээрлүүлэхээр болжээ.
- 1953 онд Нэрт эрдэмтэн Френцис Крик, Жеймс Уатсон нар хүний ДНК-ийн бүтцийг хосолмол болохыг анх удаа олон нийтэд танилцуулжээ.
- 1983 онд АНУ-ын дунд сургуулийн охин Саманта Смит ЗХУ-ын удирдагч Юрий Андроповт цөмийн аюулын талаар захидал бичиж, эх орондоо урив.
- 2001 онд Шинээр үйлдвэрээс гарч буй Audi R8 загварыг туршин жолоодож байсан Мишель Альборето ослоор амиа алджээ.
- 2004 онд АНУ-ын нийслэл Вашингтон хотод үр хөндөлтийг хориглосон хуулийг эсэргүүцэн 500-800 мянган хүнийг хамарсан жагсаал зохион байгуулагдав.
