Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 114 дэх өдөр бөгөөд он дуусахад 252 хоног үлдлээ.
- Цаг агаар өдөртөө 8 хэмийн дулаан бол шөнөдөө 0 градус хүйтэн байх нь ээ.
- Билгийн тооллын 15, Тэргүүн дагуул одтой, улаагчин могой өдөр. Өдрийн наран мандах, жаргах цаг нь 5:47-19:53. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, гөлөг тэжээх, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Валют арилжааны төвд ам.долларын авах ханш 3383.00 төгрөг, зарах нь 3387.00 төгрөг байна. Харин рублийн авах ханш 35.60, зарах ханш 36.10, юанийн авах ханш 468.60, зарах ханш 469.50, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 10.00 цагт ИХ-ын ажлын хэсэг, байнгын болон түр хороо хуралдана.
- 12.00 цагт УДБЭТ-д: Шинэ уран бүтээл Г.Доницеттийн “Дурлалын ундаа” дэлхийн сонгодог дуурийн хэвлэлийн хурал болно.
- 14.00 цагт Төрийн ордонд: Эмийн үнийн өсөлтийн шалтгаан, нөхцөлийг хянан шалгах Түр хорооны сонсголын тайлан, санал дүгнэлтийг хэлэлцэнэ.
Энэ өдөр дэлхийн түүхэнд:
- Дэлхийн номын өдөр
- НҮБ-ын Англи хэлний өдөр
- МЭӨ 215 - Ромын эзэнт гүрэн Трасменийн тулаанд Финикийн хаант улсыг ялсаныг бэлгэдэж Цолмон бурханы сүм ашиглалтад оров.
- 711 - Франкуудын хаан ширээнд III Дагобер суув.
- 1014 - Ирландын их хаан Брайн Бору Викингийн эзлэн түрэмгийлэгчдийг ялав. Гэвч тулааны үеэр Брайн Бору амиа алджээ.
- 1343 - Эстонийн вант улсад шөнө бослого дэгдэв.
- 1348 - Английн хаан III Эдуард "Гэгээн Жоржийн өдөр"-ийг тэмдэглэх зарлиг гаргажээ.
- 1516 - Одоогийн Ингольштадт хотод шар айраг нэрэх орцыг соёрхон батлав.
- 1635 - АНУ-ын нутаг дэвсгэрт хамгийн анхны нийтийн сургууль байгуулагдав. Бостон хотод Бостоны латин сургууль байгуулагджээ.
- 1655 - Англи-Испанийн дайн: Санто Доминго хотыг Английн цэргүүд бүслэжээ. Долоон хоногийн дараа бүслэлт бүтэлгүйтсэн юм.
- 1660 - Швед болон Польш улсын хооронд энхийн гэрээ байгуулагдав.
- 1661 - Английн хаан ширээнд II Чарльзыг залах ёслол болжээ.
