Өнөөдөр гадаа 13 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 109 дэх өдөр бөгөөд он дуусахад 267 хоног үлдлээ.
- Цаг агаар өдөртөө 13 хэмийн дулаан бол шөнөдөө 1 градус хүйтэн байх нь ээ.
- Билгийн тооллын 11, Бага морь одтой, харагчин үхэр өдөр. Өдрийн наран мандах, жаргах цаг нь 5:55-19:48. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Тариалангийн хур эхлэх улирал (22ц 12м) эхлэнэ. Үс шинээр үргээлгэх буюу засуулбал эрхтэн хурц болно.
- Валют арилжааны төвд ам.долларын авах ханш 3382.00 төгрөг, зарах нь 3387.00 төгрөг байна. Харин рублийн авах ханш 35.60, зарах ханш 36.10, юанийн авах ханш 467.60, зарах ханш 468.50, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 10.00 цагт УИХ-ын нэгдсэн чуулгантай.
- МУГЖ Б.Сарантуяа “Сэтгэлийн хөг” тоглолтоо Монголын Үйлдвэрчний Эвлэлийн Соёлын төв ордонд үзэгчдэд толилуулна.
- Орхон аймагт Эрүүл мэндийн байгууллагын удирдах ажилтны зөвлөгөөн болно.
- Орхон аймагт Монгол Улсын гавьяат багш Р.Цэрэндорж багшийн нэрэмжит Физикийн аймгийн олимпиад зохион байгуулна.
- Өвөрхангай аймгийн Арвайхээр хотод Хүндийн өргөлтийн Залуучуудын улсын аварга шалгаруулах тэмцээн болно.
Энэ өдөр дэлхийн түүхэнд:
- 1993 - АНУ-ын Техас мужийн Вако хотод үйл ажиллагаа явуулж байсан "Давидын хөдөлгөөн" гэх шашны хөдөлгөөний төв байрыг АНУ-ын Холбооны мөрдөх товчооныхон 51 өдөр бүсэлсний эцэст дуусав. Бүслэлтийн үеэр тус барилгад гал гарч тус хөдөлгөөний 76 хүн, 18 хүүхэд амиа алджээ.
- 1999 - Германы парламент болох Бундестаг нийслэл Берлин хотод байрлахаар болжээ.
- 2005 - Ромын кардинал Йозеф Ратцингер папаар сонгогдож сахилын нэрээ XVI Бенедикт болгов.
- 2011 - 1961 оноос хойш Куба улсыг удирдсан Фидель Кастро Кубын коммунист намын нэгдүгээр нарийн бичгийн суудлаасаа өөрийн хүсэлтээр татгалзжээ.
- 2013 - Бостоны марафоны үеэр бөмбөг дэлбэлсэн Тамерлан Царнаев цагдаагийнхантай буудалцах үеэрээ алагдав. Түүний дүү болох Жохар Царнаев буудалцааны үеэр зугтаж амсан бөгөөд удалгүй Уотертаун хотын захаас түүнийг завинд нуугдаж байхад нь баривчилсан билээ.
- 2020 - Канадын Нова Скотиа хотод зэвсэглэсэн этгээд гал нээж 22 хүний аминд хүрэв. Гүйцэтгэх ажиллагааны үеэр зэвсэглэсэн этгээд амиа алджээ. Энэ халдлага тус улсын түүхэнд хамгийн хөнөөлтэй халдлага болсон юм.
