Өнөөдөр гадаа 13 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 108 дахь өдөр бөгөөд он дуусахад 258 хоног үлдлээ.
- Цаг агаар өдөртөө 13 хэмийн дулаан бол шөнөдөө 0 градус дулаан байх нь ээ.
- Билгийн тооллын 9, Үнэг одтой, цагаагчин гахай өдөр. Буд гараг. Өдрийн наран 5 цаг 59 минутад мандан, 19 цаг 45 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн үйл, хагалгаа хийлгэх, биеийн тамирыг сэргээх, хараал, жатхыг буцаах, нялхсын хуримыг хийх, огторгуйн үүд боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- НИТХ дахь “ХҮН” намын бүлгээс “Нийслэлийн нутаг дэвсгэрт цахилгаан скүүтер, мопед ашиглах журам”-ын төслийг боловсруулан, хэлэлцүүлэхээр бэлтгэж байна. Тус журмын төсөлд иргэд, иргэний нийгмийн байгууллага, салбарын мэргэжилтэн, үйлчилгээ эрхлэгчид зэрэг оролцогч талуудаас санал авах асуудлаар хэвлэлийн хурлыг 11.30 цагаас Хангальд ордны 14 давхарт зарлаж байна.
- 11.30 цагаас “Зууны мэдээ” сонины “Үндэсний мэдээллийн төв”-д “Барилга байгууламжийг байнгын ашиглалтад хүлээн авах улсын комисстой АТГ ашиг сонирхол нэгтэй юу?” сэдвээр “Бүрэн цутгамал” ХХК-аас мэдээлэл өгнө.
- 13.00 цагаас “Зууны мэдээ” сонины “Үндэсний мэдээллийн төв”-д “World Ballet and Dance Grand Prix Mongolia -2024” дэлхийд алдартай олон улсын бүжигчдийн тэмцээнийг Монгол улсад анх удаа Улаанбаатар хотноо 2024 оны 4-р сарын 22-29-ны өдрүүдэд Соёлын төв өргөөнд зохион байгуулахтай холбогдуулан мэдээлэл хийнэ.
Энэ өдөр дэлхийн түүхэнд:
- 1492 онд Испанийн Засгийн газар аялагч Кристофер Колумбтай гэрээ байгуулж Ази тивээс халуун ногоо импортлохыг үүрэг болгов.
- 1524 онд Италийн нэрт аялагч Жиованни да Верраццано одоогийн Нью-Йорк хотын эрэгт хүрчээ.
- 1861 онд Америкийн Виржиниа муж Холбооны засгийн газрын бүрэлдэхүүнээс гарч Эх газрын Америк улсад нэгдсэн найм дахь муж болов.
- 1907 онд Нью-Йорк хошууны дээд хэсэгт орших Эллис аралд нэг өдрийн дотор 11,747 хүн цагаачлах өргөдлөө өгч түүхэн амжилт тогтоожээ.
- 1944 онд Коммунистуудын мэдэлд байсан Грекын ардын чөлөөлөх арми Үндэсний нийгмийн чөлөөлөх хүчний эсрэг жижиг дайралт, хийж төрийн эргэлт хийхийг санаархсан ч бүтэлгүйтэв. Хоёр талын мөргөлдөөний улмаар Грекын ардын чөлөөлөх армийн удирдагч Димитриос Псаррос амиа алджээ.
- 1946 онд Францын армийн сүүлийн анги нэгтгэл Сири улсаас гарчээ.
- 1951 онд Төрийн соёхолт хөгжмийн зохиолч Цогзолын Нацагдорж мэндэлжээ.
- 1970 онд Аполло сансрын хөтөлбөр: Задгай сансарт ноцтой гэмтэж, олон хүнийг айдаст автуулсан "Аполло 13" сансрын хөлөг эх дэлхийдээ газарджээ.
- 1971 онд Бүгд найрамдах ардчилсан Бангладеш улс албан ёсоор байгуулагдав.
- 1982 онд Канад улс Үндсэн хуулиараа төрийн тэргүүнээр Хатан хаан II Элизабетыг тодруулав.
