Өнөөдөр гадаа 17 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 103 дахь өдөр бөгөөд он дуусахад 263 хоног үлдлээ.
- Цаг агаар өдөртөө 17 хэмийн дулаан бол шөнөдөө 1 градус дулаан байх нь ээ.
- Билгийн тооллын 4, Чөлөөт эх одтой, улаан морь өдөр. Сугар гараг. Өдрийн наран 6 цаг 08 минутад мандан, 19 цаг 38 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, хүүхэд үрчлэн авах, гэр байшингийн суурь тавихд сайн. Нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал бие эрхтний хүч сайжирна
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 10.45 цагаас Зууны мэдээ сонины “Үндэсний мэдээллийн төвд Ц.Элбэгдоржтой холбоотой ноцтой асуудлаар улстөрч, хуульч, судлаачид хэвлэлийн бага хурал зарлаж байна.
- 11.00 цагаас Үндсэн хуулийн цэцийн гадаа Эрүүгийн хуулийн 13.14 заалт нь Үндсэн хуулийн 16.16 “Итгэл үнэмшилтэй байх, үг хэлэх, үзэл бодлоо чөлөөтэй илэрхийлэх, хэвлэн нийтлэх эрхтэй” гэснийг зөрчсөн талаарх гомдол мэдээллийг Үндсэн хуулийн цэцэд гаргана.
- 11.30 цагаас Зууны мэдээ үндэсний мэдээллийн төвд Чингисийн монгол төр мэргэжлийн гол хүчний холбооноос "Монгол Улсын 3.500.000 иргэдийн мөнхийн эрх ашиг" сэдвээр мэдээлэл хийнэ.
- 12.00 цагаас Зууны мэдээ үндэсний мэдээллийн төвд Татварын хөгжил дэвшил холбооноос Татварын мэргэшсэн зөвлөх үйлчилгээний тухай хуулийн өөрчлөлтийг Хууль тогтоомжийн тухай хууль зөрчин боловсруулсан болон УИХ-д өргөн мэдүүлсэн тухай нийтэд танилцуулна.
Энэ өдөр дэлхийн түүхэнд:
- 1606 онд Англи-Шотландын хөлөг онгоцууд нэгдсэн хаант улсын далбааг анх удаа мандуулав.
- 1877 онд Их Британичууд Трансваалийн арлыг булаан эзлэв.
- 1927 онд Шанхайн халдлага: Хятатын удирдагч Чан Кайшигийн тушаалаар Хятадын коммунист намын гишүүдийг Шанхай хотноо цаазлан хороов. Ингэснээд Цэргүүдийн нэгдсэн анхдугаар арми нуран унасан юм.
- 1928 онд Германы нисэх хүчний "Бремен" нисэх онгоц атлантын далайг гатлан умардаас өмнө хүрсэн Германы анхны нисэх онгоц болжээ.
- 1934 онд Дэлхий дээр бүртгэгдсэн хамгийн хүчтэй хуй салхи АНУ-ын Нью-Хемпшир мужийн Вашингтон уулын оргилд болжээ. Тухайн үед салхины хурд 400 гаруй км/ц-ийн хурдаар хэмжигдэж байсан гэдэг.
- 1945 онд АНУ-ын ерөнхийлөгч Франклин Д.Рүзвельт албан үүргээ гүйцэтгэж байхдаа амьсгал хураав. Ингэснээр дэд ерөнхийлөгч Харри С.Трумэн АНУ-ын ерөнхийлөгч болсон билээ.
- 1955 онд АНУ-ын эрдэмтэн Жонас Салк хүүхдүүдэд дуслаар өгөх поли вакциныг туршин хөгжүүлж эхлэв.
- 1980 онд Либери улсад төрийн эргэлт болж бослогыг удирдсан Самуэль Дү засгийн эрхэнд гарав. Ингэснээр 130 жилийн туршид Америкийн тоглоомын хүүхэлдэй байсан Либери улс өөрийн замаар замнахаар болжээ.
- 1992 онд Хүүхдийн паркын үйлчилгээ эрхэлдэг Динсейленд компани "Евро Диснейленд" компани байгуулж Францын Парис хотод соёл амралтын хүрээлэнг нээжээ.
- 2014 онд Чилийн Валпарайсо хотод түймэр дэгдэж, 16 хүн амиа алдан, 2,000 гаруй орон байр шатжээ.
