Өнөөдөр гадаа 4 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 93 дахь өдөр бөгөөд он дуусахад 272 хоног үлдлээ.
- Цаг агаар өдөртөө 7 хэмийн дулаан бол шөнөдөө 5 градус хүйтэн байх нь ээ.
- Билгийн тооллын 24, Элдэв тэнгэртэн одтой, улаагчин тахиа өдөр. Өдрийн наран мандах, жаргах цаг нь 6:26-19:25. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3378.00 төгрөг, зарах нь 3383.00 төгрөг байна. Харин рублийн авах ханш 35.70, зарах ханш 36.10, юанийн авах ханш 467.50, зарах ханш 468.80, вонийн авах ханш 2.50, зарах ханш 2.53 төгрөг байна.
Өнөөдөр болох онцлох үйл явдлууд:
- 09.00 цагт: Засгийн газрын ээлжит хуралдаан Төрийн ордонд болно.
- 10:00 цагт: УИХ-ын Байнгын хороодын хуралдаан Төрийн ордонд болно.
- 10:00 цагт: Монголбанкнаас сар тутам зохион байгуулдаг ээлжит хэвлэлийн хурал Монголбанкны Г байрны хурлын танхимд болно.
- 10:00-12.00 цагт: УНТЭ-ийн Амбулторийн 4 давхарт “Донор танд баярлалаа” талархалын өдөрлөг болно.
- 10:00-12.00 цагт: МҮХАҮТ, Европын сэргээн босголт, хөгжлийн банк хамтран бизнесийн зээл, санхүүжилт, зөвлөх үйлчилгээг танилцуулна.
“ЗМ”-ний мэдээллийн төвд:
- 11.30 цагт: Эдийн засаг, хөгжлийн сайд Ч.Хүрэлбаатартай холбоотой асуудлаар ҮАБЗ болон ҮХЦ-д гаргасан хүсэлтийн талаар болон цаг үеийн асуудлаар Увс аймгийн ИТХ-ын дарга Ц.Батболд мэдээлэл хийнэ.
Энэ өдөр дэлхийн түүхэнд:
- 801 - Франкын хаан Луй Пиу олон сарын хугацаанд бүслэсний эцэст Барселона хотыг эзлэн авчээ.
- 1559 - Чатеу-Камбресигийн энхийн гэрээ байгуулагдсанаар Италийн дайн дуусжээ.
- 1865 - Америкийн иргэний дайн: Эх газрын Америкийн нийслэл гэгдэх Виржиниа мужийн Ричмонд хотыг Холбоотны цэргийн хүч эзлэн авчээ.
- 1885 - Германы зохион бүтээгч, инженер Готтлеб Даймлер өөрийн бүтээсэн хөдөлгүүртээ зохиогчийн эрх авав.
- 1922 - ЗХУ-ын Коммунист намын анхны ерөнхий нарийн бичгийн даргаар Йозеф Сталин тодорчээ.
- 1933 - Эверест буюу Жомолунгма хайрханыг судлахаар Британийн анхны экспедиц Төвдийг зорив.
- 1942 - Дэлхийн II дайн: Батааны хойгт Японы цэргийн хүч халдан довтлов. Тус хойгийг АНУ болон Филиппиний арми хамтран хамгаалсан юм.
- 1948 - АНУ-ын ерөнхийлөгч Харри С.Труманы боловсруулсан хөгжил буурай 16 улсад туслах хөтөлбөрт 5 тэрбум ам.доллар олгох зарлигт гарын үсэг зуржээ.
- 1948 - Өмнөд Солонгосын Жежү мужид хүний эрх, эрх чөлөөний төлөө тэмцсэн Жежүгийн бослого дэгдэв.
- 1968 - Өнгөт арьстан, хүний эрхийн төлөө цогтой тэмцэгч Мартин Лютер Кинг "Би уулын оргилд гарна" илтгэлээ олон нийтэд хандан хэлжээ.
- 1969 - Вьетнамын дайн: АНУ-ын Батлан хамгаалахын сайд Мелвин Лейрд Вьетнамыг сэргээн босгох ажилд гар бие оролцохоо мэдэгдэв.
- 1975 - Шатрын дэлхийн аварга шалгаруулах шувтаргын тоглолтод Бобби Фишер болон Анатолий Карпов нар учраа таарч Карпов дэлхийн аварга болов.
- 2000 - Компьютерийн алдарт "Майкрософт" компанийг АНУ-ын итгэлцлийн хуулийг зөрчин өрсөлдөгчөө зах зээлээс шахан гаргах замаар монопольдсон гэж үзэн, шүүхэд өгчээ.
- 2007 - Францын галт тэрэгний үйлчилгээний TGV галт тэрэг Ла Шемин хотод 574 км/ц хурдалж дэлхийн дээд амжилтыг тогтоожээ.
- 2008 - Америкийн иргэний агаарын тээврийн ATA Airlines компани санхүүгийн асуудлаас болж дампуурлаа зарлав.
- 2010 - Дэлхийн хамгийн анхны таблет төхөөрөмжийг Apple компани худалдаанд гаргажээ.
- 2016 - Дэлхийн эрэн сурвалжлах сэтгүүлчдийн холбооны санаачилгаар Панамын баримтыг олон нийтэд дэлгэж 214 488 оффшор компанийн мэдээллийг ил болгов.
