Өнөөдөр гадаа 4 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 02-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 92 дахь өдөр бөгөөд он дуусахад 273 хоног үлдлээ.
- Цаг агаар өдөртөө 4 хэмийн дулаан бол шөнөдөө 11 градус хүйтэн байх нь ээ.
- Билгийн тооллын 23, Суулга одтой, улаан бич өдөр. Өдрийн наран мандах, жаргах цаг нь 6:28-19:23. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Валют арилжааны төвд ам.долларын авах ханш 3378.00 төгрөг, зарах нь 3382.00 төгрөг байна. Харин рублийн авах ханш 35.90, зарах ханш 36.20, юанийн авах ханш 468.50, зарах ханш 469.40, вонийн авах ханш 2.52, зарах ханш 2.54 төгрөг байна.
Өнөөдөр болох онцлох үйл явдлууд:
- 09.00 цагт: Төрийн ордонд: УИХ-ын Нийгмийн бодлогын байнгын хорооноос “Аутизм ба тэгш хүртээмж” хэлэлцүүлэг зохион байгуулна.
- 09.00-12.00 цагт: Монголбанканд: “Банкны хувьцаа эзэмшигчийн эрх, үүрэг” хэлэлцүүлэгтэй.
- 10.00 цагт: УИХ-ын ажлын хэсгүүд болон байнгын хороод хуралдана.
- 10.00 цагт: НҮБ-ын байранд: Улаанбаатар хотын үерийн эрсдэлтэй бүсэд нийгмийн эрүүл мэндийг хамгаалж ус хангамж, ариун цэвэр, эрүүл ахуйн байдлыг сайжруулах, Япон улсын Засгийн газраас санхүүжүүлж буй төслийн нээлт болно. Утас: 8817-1166.
- 11.00 цагт: МУИС-ийн Багш оюутны хөгжлийн төвд: БШУЯ, МУИС, ЮНЕСКО-той хамтран байгалийн ухааны судлаач, залуу энтерпрёнерүүд, их дээд сургуулийн багш, ахисан түвшний суралцагчид, судлаачдыг чадавхжуулж, инновац, инженерчлэлийн мэдлэгийг гүнзгийрүүлэх хөтөлбөрийн нээлт болно.
- 12.00 цагт: Г.Занабазарын нэрэмжит Дүрслэх урлагийн музейд: “ШИНЭ ЦАС-2024” каллиграфийн нэгдсэн үзэсгэлэн нээгдэнэ.
“ЗМ”-ний мэдээллийн төвд:
- 11.00 цагт: “Ядуурал, хямралын эсрэг БОЛОВСРОЛТОЙ иргэн ирээдүйд зогсоно” сэдвээр иргэн М.Төртогтох мэдээлнэ.
- 11.30 цагт: “Бэлчээрийн мал аж ахуй, нүүдлийн өв соёлын нийгэмлэг” ТББ-аас Бэлчээрийн тухай хуулийг эсэргүүцэж мэдэгдэл хийнэ.
Энэ өдөр дэлхийн түүхэнд:
- 670 - Исламын шашны Шийтийн урсгалын хоёр дахь Имам Хассан Ибн Али хордож амиа алджээ.
- 1513 - Испанийн аялагч Хуан Понче де Леон Хойд Америкийн нутагт хүрсэн нь одоогийн АНУ-ын Флорида муж байсан юм.
- 1755 - Английн адмирал Уиллиам Жеймс Энэтхэгийн баруун эргийн Марата мужийг эзлэжээ.
- 1800 - Суут хөгжмийн зохиолч Людвиг ван Бийтховен Вьенна хотод анхны симфонио үзэгчдэд хүргэв.
- 1801 - Францын хувьсгал: Британийн тэнгисийн цэргүүд Данийн усан онгоцыг эзлэжээ.
- 1851 - Тайландын хаан ширээнд IV Рама суув.
- 1863 - Америкийн иргэний дайн: Виржиниа мужийн Ричмонд хотод томоохон хэмжээний бослого дэгджээ.
- 1865 - Америкийн иргэний дайн: Умард Виржиниагийн арми Петерсбургийн гурав дахь тулаанд эх газрын армийг буулган авав.
