Өнөөдөр гадаа 5 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 79 дахь өдөр бөгөөд он дуусахад 286 хоног үлдлээ.
- Цаг агаар өдөртөө 5 хэмийн дулаан бол шөнөдөө -10 градус хүйтэн байх нь ээ.
- Билгийн тооллын 11, Найралт эх одтой, харагчин хонь өдөр. Өдрийн наран мандах, жаргах цаг нь 6:55-19:05. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эрхтэн хурц болно. Тэрсүүд. Хаврын хугас дунд болох улирал (11ц 3м) эхлэнэ.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
“Монгол Ньюс” мэдээллийн төвд:
- 11.00 цагт Монголын байгалийн уран бүтээлчдийн холбоо, Усны газар, СУИС хамтран хэрэгжүүлж буй “Усны нулимс” төслийн хүрээнд усны зохистой хэрэглээнд тулгараад буй асуудлын талаар мэдээлнэ.
- 11.30 цагт Үндсэн хууль тогтоогчдын холбооноос намуудын мөрийн хөтөлбөрт өгөх санал, "Ард түмний амьжиргааг төрийн бодлогоор дээшлүүлэх Үндсэн хуулийн бололцоо" сэдвээр хэвлэлийн хурал зарлажээ.
“ЗМ”-ний мэдээллийн төвд:
- 11.30 цагт МҮХАҮТ-аас хэрэгжүүлж буй “Бизнес сэргэлт” хөтөлбөрийн хүрээнд 10.000 залууг бизнесийн сургалтад хамруулах бүртгэл, хугацаа, хөтөлбөрийн талаар Бизнесийн академиас мэдээлнэ.
- 11.00 цагт “Баялагтаа эзэн монгол” ТББ-аас улстөрийн намуудад шаадлага хүргүүлнэ.
- 17.30 цагт МУЭ-ийн Арт галерейд: Реалист уран бүтээлий “Best of Artists” үзэсгэлэн нээгдэнэ.
Энэ өдөр дэлхийн түүхэнд:
- 235 - Ромын жанжин Максимус Тракс өөрийгөө хаан хэмээн зарлажээ.
- 1602 - Голландын "Дорнод Энэтхэгийн пүүс" байгуулагдав.
- 1616 - Английн аялагч Сир Уольтер Релей Лондон хотын цамхагт 13 жил хоригдсоны эцэст суллагджээ.
- 1760 - АНУ-ын Бостон хотод гал гарч 349 барилга байгууламж сүйдэв.
- 1815 - Элба арлаас зугтсан Наполеон Бонапарт 140,000 цэрэгтэй арми, 200,000 сайн дурын цэрэг бүхий салаатай болсноор богино хугацааны хаанчлалаа эхлүүлжээ.
- 1848 - Германы улсуудад гарсан хувьсгал: Баварийн хаан I Людвиг эрх ямбаасаа татгалзав.
- 1854 - АНУ-ын Висконсин мужийн Рипон хотод тус улсын бүгд найрамдах нам байгуулагджээ.
- 1883 - Францын нийслэл Парис хотод болсон хуралдаанаар аж үйлдвэрлэгчдийг хамгаалахыг зөвшөөрөв.
- 1913 - Хятадын үндэсний намыг байгуулагч Сун Чиао-Жен халдлагад өртөн хүнд шархдав. Шархадсанаасаа хойш хоёр хоногийн дараа амьсгал хураажээ.
- 1915 - Суут физикч Альберт Эйнштейн харьцангуйн ерөнхий онолоо боловсруулав.
