Өнөөдөр гадаа 1 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 79 дахь өдөр бөгөөд он дуусахад 287 хоног үлдлээ.
- Цаг агаар өдөртөө 1 хэмийн дулаан бол шөнөдөө -15 градус хүйтэн байх нь ээ.
- Билгийн тооллын 10, Өглөгт охин одтой, хар морь өдөр. Ангараг гараг. Өдрийн наран 6 цаг 57 минутад мандан, 19 цаг 03 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номыг үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лусыг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эрч хүч ихэснэ.
- Валют арилжааны төвд ам.долларын авах ханш 3376.00 төгрөг, зарах нь 3380.00 төгрөг байна. Харин рублийн авах ханш 36.00, зарах ханш 36.40, юанийн авах ханш 466.10, зарах ханш 471.90, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 11.00 цагаас “Үндэсний мэдээллийн төв”-д Монгол Улсын иргэн Борын Өлзийбат “600 мянган залуучуудын саналыг Улсын Их хурлын гишүүд гацааж байна! Шийдвэр гаргах, хууль тогтоох түвшинд Залуучуудын оролцоог нэмж, 2024 оны УИХ-ын сонгуульд 126 гишүүний 20%-ийг 35-аас доош насны залуучуудыг нэр дэвшүүлэх саналыг намуудад хүргүүлэх” талаар хэвлэлийн бага хурал зарлаж байна.
Энэ өдөр дэлхийн түүхэнд:
- 1649 онд Английн ард нийтийн танхим Англи улсад аюул тарих этгээдүүдийг өршөөлгүй залхаан цээрлүүлэх тухай хуулийг батлав.
- 1687 онд Хойд Америкийн нутгаар аяласан Францын аялагч Роберт Кавальер де Ла Салл Миссисипи голын ойролцоо дагалдагчдаа алуулжээ.
- 1812 онд Испанийн парламент буюу Кадиз Кортез Испанийн шинэ үндсэн хуулийг батлав.
- 1863 онд Эх газрын армийн хамгийн том хөлөг онгоц Жиоржиана хөлөг анхны аялалынхаа үеэр сөнөв. Сүйрлийн хэмжээ тухайн үеийн ханшаар нэг сая ам.доллараар хэмжигдэж байжээ.
- 1895 онд Францын зохион бүтээгч Август болон Луй Лумье нар дүрс бичих аппаратаар анхны дүрсээ бичжээ.
- 1931 онд АНУ-ын Невада муж мөрийтэй тоглоомыг хуулиар зөвшөөрөв.
- 1932 онд Сидней Харбор гүүр ашиглалтад оржээ.
- 1954 онд АНУ-ын Нью-Йорк хотын Медисон Скүэр Гарденд болсон Жой Жиарделло, Вилли Тори нарын хооронд болсон тулааныг анх удаа телевизээр өнгөтөөр дамжуулжээ.
- 1962 онд Бүх цаг үеийн түүхэнд хамгийн их нөлөө үзүүлсэн дуучин Боб Диланы "Боб Дилан" цомог худалдаанд гарав.
- 1965 онд Усан доогуур шумбан археологийн судалгаа хийх сонирхолтой өсвөр насны судлаач И.Лий Спенс 102 жилийн өмнө сөнөж, осолдсон эх газрын армийн Жиоржана хөлөг онгоцны үлдэгдэл болон зарим эд өлгийн зүйлийг илрүүлжээ. Тухайн үед энэ олдворыг АНУ-ын засгийн газар 50 сая ам.доллараар үнэлсэн байна.
