Өнөөдөр гадаа 0 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 68 дахь өдөр бөгөөд он дуусахад 298 хоног үлдлээ.
- Цаг агаар өдөртөө 0 хэмийн хүйтэн бол шөнөдөө -19 градус хүйтэн байх нь ээ.
- Билгийн тооллын 28, Тооно одтой, цагаагчин хонь өдөр. Өдрийн наран мандах, жаргах цаг нь 7:19-18:47. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3377.00 төгрөг, зарах нь 3382.00 төгрөг байна. Харин рублийн авах ханш 35.60, зарах ханш 36.30, юанийн авах ханш 467.20, зарах ханш 471.70, вонийн авах ханш 2.55, зарах ханш 2.56 төгрөг байна.
Өнөөдөр болох онцлох үйл явдлууд:
- 11.00 цагт ОБЕГ-т УОК ээлжит мэдээллээ хийнэ.
Энэ өдөр дэлхийн түүхэнд:
- 1010 - Перс хэлний нэрт соён гэгээрүүлэгч Фердовси алдарт домгийн найраглал болох "Шахнаме" найраглалаа бичиж дуусгажээ.
- 1576 - Испанийн нэрт аялагч Диего Гарсиа де Паласио эртний Маяачуудын соёл иргэншлийн хотыг Копан хотоос илрүүлэв.
- 1618 - Нэрт одон оронч Йоханнес Кеплер гараг эрхэсийн хөдөлгөөний гуравдугаар хуулиа боловсруулжээ.
- 1817 - Нью-Йоркийн хөрөнгийн бирж байгуулагджээ.
- 1844 - Швед-Норвегийн хаан ширээнд I Оскар суув.
- 1862 - Америкийн иргэний дайн: Хемптон Рөүдийн тэнгисийн тулаан эхэлжээ.
- 1868 - Японы Осака мужийн Сакай боомтод ирсэн Францын 11 завьчинг Японы самурайнууд хороов.
- 1910 - Францын нисгэгч Реймонд де Ларош нисгэгчийн үнэмлэх авсан анхны эмэгтэй нисгэгч болжээ.
- 1916 - Дэлхийн хоёрдугаар дайн: Иракын Кут хотыг бүслэх Британийн цэргийн ажиллагаа бүтэлгүйтжээ.
- 1917 - Хаант Оросын Санкт Петербург хотод олон улсын эмэгтэйчүүдийн эрхийг хамгаалах өдөр олон нийтийг хамарсан жагсаал болов. Ингэснээр хоёрдугаар сарын хувьсгал эхэлжээ.
- 1920 - Арабын хойг дахь анхны орчин үеийн улс болох Сирийн Арабын хаант улс байгуулагдав.
- 1921 - Испанийн нийслэл Мадрид хотод орших парламентын ордны урд тус улсын Ерөнхий сайд Эдуардо Дато Ирадьер бусдын гарт амиа алджээ.
- 1924 - АНУ-ын Юта мужийн Кастл Гейтын уурхай нурж 172 уурхайчин амиа алдав.
- 1937 - Испанийн иргэний дайн: Гуадалахарагын тулаан эхэлжээ.
- 1942 - Дэлхийн хоёрдугаар дайн: Японы эзэн хааны арми Дорнод Голландын Энэтхэг буюу Индонези улс руу цэрэг илгээх шийдвэр гаргажээ.
- Дэлхийн хоёрдугаар дайн: Японы эзэн хааны арми Бурмын Рангүүн хотыг эзлэв.
- 1947 - Бүгд найрамдах Хятад улсын армын 11 мянган цэрэг тусгаар тогтнолын төлөөх анхны томоохон тулаанаа амжилттай болгов. Үүний уршгаар олон мянган жирийн иргэд, эрдэмтэн мэргэд амиа алдсан юм.
- 1949 - Францын Элисейн ордонд Францын Ерөнхийлөгч Винсен Урол, Вьетнамын экс хаан Аннам Бао Дай нар Вьетнамын тусгаар тогтнолын тунхагт гарын үсэг зуржээ. Гэсэн ч тусгаар Вьетнамчууд дотроо үзэл суртлаар хуваагдаж, Вьетнам, Бүгд найрамдах ардчилсан Вьетнам болж хоёр хуваагдав.
- 1957 - Египетийн Засгийн газар Суецийн сувгийн ажлыг дахин эхлүүлжээ.
- 1965 - Вьетнамын нутаг дэвсгэрт АНУ-ын 350 тэнгисийн цэрэг нэвтрэн орсноор Вьетнамын дайн дэгдэх нөхцөл бүрдэв.
- 1966 - Ирландын Даблин хотод байрлах "Нелсоны багана" бөмбөгдөлтөд өртөн нуржээ.
- 1971 - Зууны тулаан: Дэлхийн боксын домог болох Мухаммад Али, Жое Фрейзер нарын хооронд тулаан болов. Тус тулаан 15 раунд үргэлжилж Жое Фрейзер ялалт байгуулжээ.
- 1979 - Электрон барааны "Филиппс" компани компакт дискийг бүтээж, худалдаанд гаргажээ.
- 2004 - Иракын засгийн зөвлөл шинэ үндсэн хуульд гарын үсэг зурав.
- 2014 - Малайзын Куала-Лумпураас Хятадын Бээжинг зорьж, 239 хүн тээн шөнөөр хөдөлсөн Боинг-777 загварын нисэх онгоц Хятадын өмнөд тэнгис дээгүүр нисч яваад ор сураггүй алга болов.
- 2021 - Олон улсын эмэгтэйчүүдийн эрхийг хамгаалах өдрөөр Мехико хотын жагсаал сүүлдээ эмх замбараагүй байдал болон хувирч цагдаагийн 62 алба хаагч, 19 энгийн иргэн шархаджээ.
