Өнөөдөр гадаа -5 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 61 дахь өдөр бөгөөд он дуусахад 307 хоног үлдлээ.
- Цаг агаар өдөртөө -5 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 18, Тугчин одтой, цагаагчин тахиа өдөр. Ангараг гараг. Өдрийн наран 7 цаг 38 минутад мандан, 18 цаг 32 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номыг үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авахад сайн. Улаа гаргах, хиншүү хярвас гаргах, мод суулгах, нарийн зөвлөгөө хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3385.00 төгрөг, зарах нь 3390.00 төгрөг байна. Харин рублийн авах ханш 35.60, зарах ханш 36.30, юанийн авах ханш 467.20, зарах ханш 471.70, вонийн авах ханш 2.55, зарах ханш 2.56 төгрөг байна.
Өнөөдөр болох онцлох үйл явдлууд:
- 11.00 цагт Монгол ньюс хэвлэлийн танхимд Архи, тамхигүй Монгол НҮТББ- аас хэвлэлийн хурал хийнэ.
- 13.00 цагт Дэлхийн 32 оронд хэрэгжиж буй “Click the star” төсөл Монгол Улсад хэрэгжих гэж буй талаар хэвлэлийн бага хурал Бишрэлт зочид буудалд болно.
- 10:30 цагт Novotel зочид буудал, 4 давхарт "Монгол Улсад жендэрийн тэгш байдлын үндэсний чадавхыг бэхжүүлэх нь" төслийн нээлтийн үйл ажиллагаа зохион байгуулагдана.
- 11.00 цагаас Зэвсэгт хүчний Жанжин штабын Жагсаалын талбайд Зэвсэгт хүчний нийт бие бүрэлдэхүүнээс малчдад туслах мөнгөн тусламж, дулаан хувцас, хүнсний бүтээгдэхүүн, лаа, чүдэнз, малын нэмнээ, элгэвч зэргийг Улсын онцгой комисст хүлээлгэн өгнө.
Энэ өдөр дэлхийн түүхэнд:
- 293 онд Ромын эзэнт гүрний удирдагч Диоклетиан Максимиан болон Константиус Хлорус, Галериус нарын эрх хэмжээг хүлээн зөвшөөрч "Ертөнцийн дөрвөн удирдагч" гэх ойлголт эхэлжээ.
- 1565 онд Бразилийн Рио де Жанейро хот байгуулагдав.
- 1628 онд Английн хаан I Чарльзийн зарлигаар тус улсын боомт хот бүрээс завьны татвар авч байхаар болжээ.
- 1642 онд Одоогийн Массачусетс мужид Жоржиана тосгон байгуулагджээ. Ингэснээр АНУ-д албан ёсоор байгуулагдсан анхны тосгон болсон байна.
- 1781 онд Эх газрын конгресс хуралдаж Эх газрын Америкийн хуулийг албан ёсоор баталсан байна.
- 1790 онд АНУ-д хүн амын тооллого анх удаа болжээ.
- 1870 онд Керро Корагийн тулаанд Парагвайн маршал Ф.С.Лопез амь үрэгдсэнээр Парагвайн дайн эцэслэв.
- 1873 онд АНУ-ын Нью-Йорк хотын Илион хотод Э.Ремингтон болон түүний хүүхдүүд хэрэглээнд шууд нэвтрүүлэх бичгийн машиныг үйлдвэрлэж эхэлжээ.
- 1901 онд Австралийн зэвсэгт хүчин байгуулагдав.
- 1910 онд АНУ-ын түүхэн дэх хамгийн хөнөөлтэй цасан уруй болов. Вашингтон мужийн Кинг тойрогт зорчиж явсан Great Northern Railway компанийн галт тэрэг цасан уруйд дарагдаж 96 хүн амиа алджээ.
