Өнөөдөр гадаа -8 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 54 дахь өдөр бөгөөд он дуусахад 311 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 14, Үнэг одтой, улаагчин могой өдөр. Өдрийн наран мандах, жаргах цаг нь 7:46-18:26. Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3387.00 төгрөг, зарах нь 3392.00 төгрөг байна. Харин рублийн авах ханш 36.40, зарах ханш 36.70, юанийн авах ханш 473.00, зарах ханш 474.50, вонийн авах ханш 2.54, зарах ханш 2.56 төгрөг байна.
Өнөөдөр болох онцлох үйл явдлууд:
- 09:00-16:30 цагт "Эрүүл мэндийн сэтгүүл зүй ба мэдээлэл, харилцаа холбоо" сэдэвт сургалт АШУҮИС-ийн Эрдмийн сургуулийн байранд болно.
- 09:00-13:00 цагт "Sustainable Business Forum" уулзалт Blue sky-д болно
- 10:00 цагт БОАЖЯ-наас цаг үеийн асуудлаар хэвлэлийн бага хурал УЦУОШГ-т болно.
- 11:00 цагт “Хөрөнгө оруулалтын хууль санаачилсан Ч.Хүрэлбаатар нар ямар хариуцлага хүлээх ёстой вэ” асуудлаар “Бүтэн Монгол” хөдөлгөөний төлөөлөл Монгол ньюсийн хэвлэлийн танхимд мэдээлэл хийнэ.
- 14:00 цагт "Өнөөгийн Монгол судлалын товч" нэртэй танилцуулах илтгэл, хэлэлцүүлэг МУБИС-ийн төв байрны хойно байрлах Номын сангийн 1 давхарын хурлын танхимд болно.
- 14:00 цагт Чингис хаан Үндэсний музей, ШУТИС, БНСУ-ын Гунжүгийн үндэсний их сургууль хамтран 2-р сарын 19-23-нд Чингис хаан Үндэсний музейд “Соёлын өвийн хадгалалт, хамгаалалтын мэргэжилтний чадавхыг бэхжүүлэх онол, практик хосолсон сургалт” зохион байгуулж байна. Сургалтад суусан мэргэжилтнүүдэд олон улсын сертификат гардуулна.
- Чингис хаан Үндэсний музей, ШУТИС, БНСУ-ын Гунжүгийн үндэсний их сургууль хамтран хоёрдугаар сарын 19-23-нд Чингис хаан Үндэсний музейд “Соёлын өвийн хадгалалт, хамгаалалтын мэргэжилтний чадавхыг бэхжүүлэх онол, практик хосолсон сургалт” зохион байгуулж байна.
Энэ өдөр дэлхийн түүхэнд:
- 1455 - Гутенбергийн зохиосон хэвлэх машинаар "Библи" судрыг олон тоогоор хэвлэж эхлэв.
- 1836 - Техасын хувьсгал: Техас мужийн Сан Антонио хотод Аламогын тулаан эхэлжээ.
- 1847 - Америк-Мексикийн дайн: Америкийн цэргүүд ирээдүйн ерөнхийлөгч Захари Тейлорын удирдлага дор Мексикийн жанжан Антонио Лопез де Санта Аннагийн армийг сөнөөжээ.
- 1854 - Голландчууд албан ёсоор тусгаар тогтнолоо зарлав.
- 1861 - АНУ-ын Ерөнхийлөгчөөр сонгогдсон Абрахам Линкольны амь насанд халдахыг завджээ.
- 1903 - Куба улс Гуантанамо тохойг АНУ-д хөлслүүлэх эцсийн шийдийг гаргав.
- 1905 - Чикаго мужийн ерөнхий прокурор Пол Харрис, өөр бусад гурван бизнесмэний хамтаар үдийн зоог барьж байх үеэрээ "Ротари клуб" байгуулах тохиролцоонд хүрчээ.
- 1917 - Хаант Оросын Санкт Петербург хотод хувьсгалын анхны хөдөлгөөн өрнөв.
- 1941 - Доктор Гленн Т.Сийборг плутоныг гарган авав.
- 1942 – Дэлхийн хоёрдугаар дайн: Японы тэнгисийн цэргийн хүч АНУ-ын Калифорни мужийн Санта Барбарагын ойролцоо гал нээжээ.
- 1944 - Зүүн Азийн Умард Кавказын Чененийн бүс нутагт ингуш үндэстний эсрэг ЗХУ хүч хэрэглэх ажиллагааг эхлүүлжээ.
- 1945 – Дэлхийн хоёрдугаар дайн: Филиппинийн Манила хотыг Японы түрэмгийллээс чөлөөлөв.
- 1954 - АНУ-ын Питтсбург хотод хүүхдүүдийг анх удаагаа нэгдсэн вакцинжуулалтад хамруулжээ.
- 1991 - Персийн булангийн дайн: Саудын Арабын цэргийн хүч Иракын хилийг давж дайны ажиллагаагаа эхлүүлэв.
- 2012 - Ирак даяар цуврал дэлбэрэлт болж, улмаар 83 хүн амиа алдан, 250 хүн шархаджээ.
- 2017 - Сирийн чөлөөт арми Туркийн дэмжлэгтэйгээр Аль-Баб хотыг Исламын улс бүлэглэлээс чөлөөлөв.
