Өнөөдөр гадаа -22 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 50 дахь өдөр бөгөөд он дуусахад 315 хоног үлдлээ.
- Цаг агаар өдөртөө -22 хэмийн хүйтэн бол шөнөдөө -40 градус хүйтэн байх нь ээ.
- Билгийн тооллын 10. Тухайн өдөр хулгана, луу жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавих, угаал үйлдэх, газар, лусын зан үйл хийхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд мал арвидна.
- Валют арилжааны төвд ам.долларын авах ханш 3395.00 төгрөг, зарах нь 3402.00 төгрөг байна. Харин рублийн авах ханш 36.70, зарах ханш 37.20, юанийн авах ханш 472.00, зарах ханш 473.30, вонийн авах ханш 2.56, зарах ханш 2.57 төгрөг байна.
Өнөөдөр болох онцлох үйл явдлууд:
- 11:00 цагт “Зууны мэдээ” сонины “Үндэсний мэдээллийн төв”-д 13,5 тэрбум төгрөгөөр Элэгний Д вирусын меркуледикс Б тариагаа авч хамтдаа элэг бүтэн амьдаръя сэдвээр мэдээлэл хийнэ.
- 11:00 цагт Боловсролын үнэлгээний төвөөс 2024 оны элсэлтийн шалгалтын талаар хэвлэлийн бага хурал хийнэ.
- 11:30 цагт “Зууны мэдээ” сонины “Үндэсний мэдээллийн төв”-д ИЗНН-ын дарга Батын Батбаатар Цаг үеийн байдлаар онц чухал мэдээлэл хийнэ.
- Монгол Улсын СГЗ, МУЭ-ийн нэрэмжит шагналт, Дүрслэх урлагийн дээд сургуулийн монументаль уран зургийн багш, зураач Цэндсүрэнгийн Нарангэрэлийн "Зам" тусгай үзэсгэлэн гуравдугаар сарын 5-ны өдөр хүртэл үргэлжилнэ.
- Богд Хааны Ордон музейд “Шинийн наймны Цагаан дара эх” үзэсгэлэн энэ сарын 27-ныг хүртэл үргэлжилнэ.
Энэ өдөр дэлхийн түүхэнд:
- 1594 - Польш-Литвын холбооны улсын парламентын хаан ширээнд III Сигисмундыг залах шийдвэр гаргажээ.
- 1649 - Гуарарапесийн хоёрдугаар тулаанд Бразилчууд ялалт байгуулснаар тус улс дахь Голландын ноёрхол эцэслэв.
- 1674 - Англи болон Нидерландын засгийн газар Уестминстерийн тунхагт гарын үсэг зурж, хоёр улсын хооронд үүссэн гуравдугаар дайн эцэслэжээ. Энэ гэрээний хүрээнд Америк дахь Нью Амстердам хот Нью-Йорк болж нэрээ сольсон байна.
- 1807 - АНУ-ын Дэд Ерөнхийлөгч асан Аарон Бөрр улсаасаа урвасан хэргээр баривчлагдав.
- 1846 - Өөрсдийгөө улс гэж зарласан Техасын бүгд найрамдах улс АНУ-д нэгдэж Техас муж улс болов.
- 1878 - Алдарт зохион бүтээгч Томас Эдисон дуу бичиж сонсох зориулалт бүхий фонограф төхөөрөмждөө патент авчээ.
- 1913 - Мексикийн Ерөнхийлөгчөөр сонгогдсон Пепро Ласкурейн 45 минутын дараа үүрэгт ажлаа хүлээлгэн өгөв. Ингэснээр дэлхийн түүхэнд хамгийн богино хугацаанд төр барьсан ерөнхийлөгч болжээ.
- 1942 - Дэлхийн хоёрдугаар дайн: Японы армийн 250 онгоц Австралийн хойд хэсгийн Дарвин хотыг бөмбөгдөв. Дайралтын улмаас 243 хүн амиа алджээ.
- 1945 - Дэлхийн хоёрдугаар дайн : Японы Иво Жима аралд АНУ-ын 30 мянган усан цэрэг газардав.
- 1949 - Боллингений холбооноос олгодог яруу найргийн дээд шагналыг Эзра Паунд анх удаагаа хүртжээ.
- 1959 - Их Британичууд Киприйн тусгаар тогтнолыг хүлээн зөвшөөрчээ. Үүнээс нэг жил зургаан сарын дараа Кипр улс бүрэн тусгаар тогтносон юм.
- 1960 - Хятад улс T-7 дуут пуужинг амжилттай туршив.
- 1976 - АНУ-ын Ерөнхийлөгч Жералд Форд япон гаралтай америк иргэдийг өөр газар түр байрлуулах шийд гаргажээ.
- 1985 - Дэлхийн түүхэнд зүрх шилжүүлэн суулгасан анхны хүн болох Уиллиам Ж.Шройдер эмнэлгээс гарав.
- 1986 - Шри Ланкын засгийн газрын шийдвэрээр тус нутгийн зүүн хэсэгт оршин суудаг Тамилийн 80 фермерийг устгав.
- 2011 - Хятадын Тан улсын үеийн усан онгоцны үлдэгдэл, эд өлгийн зүйлийг дэлгэн үзүүлсэн анхны үзэсгэлэн Сингапурт нээлтээ хийв.
- 1594 - Уэльсийн хунтайж Хенри Фредерик мэндэлжээ. (1612 онд нас барсан)
- 1833 - Швейцарийн сэтгүүлч, Нобелийн Энхтайвны шагналт Элли Дюкоммун мэндэлжээ. (1906 онд нас барсан)
