Өнөөдөр гадаа -0 градус байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 47 дахь өдөр бөгөөд он дуусахад 318 хоног үлдлээ.
- Цаг агаар өдөртөө -0 хэм бол шөнөдөө -21 градус хүйтэн байх нь ээ.
- Билгийн тооллын 7, Нэгэн эхийн зургаан хөвгүүн одтой, цагаан нохой өдөр. Өдрийн наран мандах, жаргах цаг нь 7:58-18:15. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3402.00 төгрөг, зарах нь 3408.00 төгрөг байна. Харин рублийн авах ханш 36.60, зарах ханш 37.30, юанийн авах ханш 470.00, зарах ханш 472.80, вонийн авах ханш 2.54, зарах ханш 2.57 төгрөг байна.
Өнөөдөр болох онцлох үйл явдлууд:
- 11:30 цагт “Зууны мэдээ” сонины “Үндэсний мэдээллийн төв”-д БГД-ийн 29-р хороо, Баянгол бизнес инкубатор төвд 2 дугаар сарын 14-ний өдөр гарсан галын талаар Худалдаа эрхлэгчид мэдээлэл хийнэ.
- 12:00 цагт УИХ-ын гишүүн, Эдийн засгийн сайд Ч.Хүрэлбаатар, ТЕГ-ын дарга Заяабал, АМХЭГ-ын Газрын тосны дарга Дашпүрэв нарыг АТГ, ТЕГ-аар шалгуулна. УИХ-ын гишүүн Ч.Хүрэлбаатар ах дүү нартайгаа нийлж Увс аймгийн “Хотгор шанага”-ын уурхайг Солонгосчуудад 30 сая доллараар зарсан орлогын албан татварыг төлүүлэх зэрэг асуудлаар Увс аймгийн Ардчилсан намын удирдлагууд шуурхай мэдээлэл хийнэ.
Энэ өдөр дэлхийн түүхэнд:
- 1249 - Францын хаан IX Луй хааны элч Эндрью Лонжүме Монголын эзэнт гүрний их хаантай уулзжээ.
- 1630 - Одоогийн Бразил улсын Олинда мужийг Хендрик Лонкоор удирдуулсан Голландын арми эзлэв.
- 1646 - Английн иргэний дайны хамгийн сүүлчийн томоохон тулаан Торрингтон хотноо эхэлжээ.
- 1742 - Уилмингтоны гүн Спенсер Комптон Британийн Ерөнхий сайд болов.
- 1862 – Америкийн иргэний дайн: Холбооны армийн генерал Улиссес С.Грант Теннесси мужийн Донелсон боомтыг эзэлжээ.
- 1874 - АНУ мөнгөн зоосыг хэрэглэж байхаар хуульчлав.
- 1881 - Канадын номхон далайн төмөр замын компани байгуулагджээ.
- 1918 - Литвын зөвлөл тусгаар тогтнох тухай хуулийг батласнаар Литва улс тусгаар тогтносон улс болов.
- 1923 - Английн археологич, Египет судлаач Ховард Картер Фараон Тутанхамоны бунханг олж илрүүлжээ.
- 1930 - Олон улсын хөлбөмбөгийн холбоонд Румынь улсын хөлбөмбөгийн холбоо гишүүнээр элсэв.
- 1934 - Австрийн бүгд найрамдах хөдөлгөөн Социаль демократ хөдөлгөөнийг буулган авсанаар Австрийн иргэний дайн өндөрлөв.
- 1936 - Испанийн парламентын сонгуульд Иргэний хөдөлгөөн ялалт байгуулж олонх болжээ.
- 1937 - Америкийн эрдэмтэн, зохион бүтээгч Уоллос Х.Каротерс нийлэг материалыг нээн, патентжуулав.
- 1940 – Дэлхийн хоёрдугаар дайн: Алтмарк гэх хөлөг онгоцонд хоригдож байсан Английн цэргүүдийг аврах зорилгоор Британийн "Коссак" сөнөөгч онгоц цэргийн ажиллагаа явуулжээ. Улмаар Британийн 299 дайны хоригдлуудыг сулласан байна.
- 1943 - Дэлхийн хоёрдугаар дайн: Харьковын төлөөх гурав дахь тулаан Зөвлөлтийн Улаан арми тус хотод дахин нэвтэрснээр эхэлжээ.
- 1945 - Дэлхийн хоёрдугаар дайн: АНУ-ын арми Филиппиний Коррегидор аралд газардав.
- 1959 - Кубын дарангуйлагч Фульхенсио Батиста суудлаасаа бууснаар Фидель Кастро ерөнхий сайд болж тус улсыг удирдах болжээ.
- 1962 - Баруун Германы эргийн дагуух хотуудад их хэмжээний үер бууж 315 хүн амиа алдан, 60 000 айл орох оронгүй болжээ.
- 1978 - Компьютерт анх удаагаа тооцоолуурт хавтанг суурилуулжээ.
- 1991 - Никарагуа улсын коммунист засаглалыг эсэргүүцэх Контрас хөдөлгөөний удирдагч Энрике Бермудез Манагуа хотод халдлагад өртөн амиа алджээ.
- 1998 - Хятадын агаарын тээврийн 676-р нислэг Чиан Кай Шийн олон улсын нисэх буудлын ойролцоо орших иргэд суурьшсан бүсэд осолдож хөлөгт зорчиж байсан 203 хүн бүгд амиа алдсан байна.
- 2005 - Цаг уурын өөрчлөлттэй тэмцэх Киотогийн протокол олон улсын төвшинд хэрэгжиж эхлэв. Гэвч ОХУ энэ гэрээнд нэгдэхээс татгалзжээ.
- 2006 - АНУ-ын армийн явуулын мэс заслсын сүүлийн эмнэлэгийг татан буулгажээ.
- 2013 - Пакистан улсын Куетта хотын Хазара тосгоны дэлгүүрт бөмбөг дэлбэрч 80 хүн амиа алдан, 190 хүн шархаджээ.
