Өнөөдөр гадаа -15 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 45 дахь өдөр бөгөөд он дуусахад 320 хоног үлдлээ.
- Цаг агаар өдөртөө -15 хэмийн хүйтэн бол шөнөдөө -28 градус хүйтэн байх нь ээ.
- Билгийн тооллын 5, Дэлгэрүүлэгч одтой, шар бич өдөр. Буд гараг. Өдрийн наран 8 цаг 1 минутад мандан, 18 цаг 11 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавих, угаал үйлдэх, газар, лусын зан үйл хийхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд мал арвидна.
- Валют арилжааны төвд ам.долларын авах ханш 3402.00 төгрөг, зарах нь 3409.00 төгрөг байна. Харин рублийн авах ханш 37.30, зарах ханш 37.70, юанийн авах ханш 471.30, зарах ханш 473.70, вонийн авах ханш 2.52, зарах ханш 2.65 төгрөг байна.
Өнөөдөр болох онцлох үйл явдлууд:
- 11:00 цагаас Хангарди ордны 14 давхарт халиа тошин, шар усны үерээс сэргийлэх талаар НОК-оос болон холбогдох албаныхан мэдээлэл өгнө.
Энэ өдөр дэлхийн түүхэнд:
- 1014 онд Ромын пап VIII Бенедикт Баварийн хаан Хенриг Итали, Герман, Ариун Ромын эзэнт гүрний хаанаар өргөмжилжээ.
- 1349 онд Страсбург хотод хулгайн хэргээр олон зуун еврей үндэстнийг галтан шатаажээ.
- 1655 онд Испанийн арми Мапуче омгийн цэргийн хүчийг бут цохиж, одоогийн Чили улсад хяналтаа тогтоожээ.
- 1778 онд АНУ-ын төрийн далбааг анх удаагаа гадаадын хөлөг онгоц дээр мандуулав. Тухайн үед Францын мэдлийн хөлөг онгоц дээр мандуулж, улмаар ёслолын буудлага үйлдсэн байна.
- 1804 онд Оттоманы эзэнт гүрний эсрэг Сербийн анхны хувьсгал болов.
- 1852 онд Дэлхийн хамгийн анхны хүүхдийн эмнэлэг Их Британийн Лондон хотод байгуулагдав.
- 1876 онд Алдарт зохион бүтээгч Александер Грам Белл телефон утасны патентыг авчээ.
- 1912 онд Аризона муж АНУ-ын 48 дахь муж болов.
- 1966 онд Австралийн мөнгөн тэмдэгт түүхэнд байгаагүй хамгийн доод төвшинд хүрэв.
- 1983 онд Америкийн нэгдсэн банк дампуурлаа зарлав. Тус банкны ерөнхийлөгч Жейк Батчер мөнгө угаасан хэрэгт холбогдсоны дараа дампуурлаа зарласан нь энэ юм.
