Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 07-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 38 дахь өдөр бөгөөд он дуусахад 327 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -26 градус хүйтэн байх нь ээ.
- Билгийн тооллын 27, Суулга одтой, цагаагчин үхэр өдөр. Буд гараг. Өдрийн наран 8 цаг 12 минутад мандан, 18 цаг 00 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавих, угаал үйлдэх, газар, лусын зан үйл хийхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад өлзийтэй сайн.
- Валют арилжааны төвд ам.долларын авах ханш 3402.00 төгрөг, зарах нь 3409.00 төгрөг байна. Харин рублийн авах ханш 37.30, зарах ханш 37.70, юанийн авах ханш 471.30, зарах ханш 473.70, вонийн авах ханш 2.52, зарах ханш 2.65 төгрөг байна.
Өнөөдөр болох онцлох үйл явдлууд:
- 11.00 цагаас ЭМЯ-ны Б танхимд Сар шинийн өдрүүдэд эмнэлгийн байгууллагуудын ажиллах хуваарь, бэлэн байдлыг хэрхэн хангаж буй талаар мэдээлэл хийнэ.
- 12.00 цагаас "Puma emperial" зочид буудлын хурлын танхимд Дүүжин тээврийн төслийн барилга угсралтын ажил эхлэх гэж буйтай холбоотойгоор Түгжрэлийг бууруулах төслийн нэгж, гүйцэтгэгч Франц Улсын "Пома" группийн төлөөлөл мэдээлэл хийнэ.
- 11.00 цагаас СХД-т байрлах, 2023 оны 9-р сард хоёр улсын Засгийн газрын шийдвэрээр Орос-Монголын хамтарсан сургууль болон шинээр байгуулагдсан Ерөнхий боловсролын 162 дугаар сургуулийн бага ангийн сурагчдад сурах бичиг, гарын авлага хүлээлгэн өгөх ёслолын ажиллагаа болно.
- Зууны мэдээ үндэсний мэдээллийн төвд Эко автомашин импортлогчдын холбоо ТББ-аас нийслэлд шинээр улсын дугаар олгохгүй болгох гэж буй НИТХ-ын шийдвэрийг эсэргүүцэж мэдээлэл хийнэ.
Энэ өдөр дэлхийн түүхэнд:
- 1301 онд II Эдуард Уэлсийн анхны хунтайж болжээ.
- 1807 онд Наполеоны дайн: Францын цэргийн хүч Эйла нутагт байрлав. Дараа өдөр нь Оросуудтай байлдсан юм.
- 1940 онд Уолт Дисней компанийн хоёр дахь бүрэн хэмжээний хүүхэлдэйн кино болох "Пиннокио" дэлгэцэнд гарчээ.
- 1951 онд Солонгосын дайн: Солонгосын цэргийн хүч коммунист гэж цоллогдсон 700 хүнийг хороожээ.
- 1962 онд АНУ Куба улсын эсрэг импорт, экспортын хориг тавив.
- 1974 онд Гренада улс Их Британиас тусгаар тогтнов.
- 1986 онд Гайти улсыг 28 жил захирсан Жан Клод Дувальер албан тушаалаасаа огцорчээ.
- 1992 онд Нидерландын Маастрихт хотод болсон хуралдаанаар Европын холбоо байгуулагдах эхлэлээ тавьжээ.
- 1997 онд Технологийн алдарт Apple компани Mac OS X компютераа үйлдвэрлэж эхэлжээ.
- 2012 онд Мальдив улсад засгийн газраа эсэргүүцэж 23 хоног жагсаал зохион байгуулсны дүнд ерөнхийлөгч Мохамед Нашийд өөрийн хүсэлтээр албан тушаалаасаа огцров.
