Өнөөдөр гадаа -18 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр жилийн 31 дэх өдөр. Энэ өдрөөс хойш он дуусахад 334 хоног үлдэнэ.
- Цаг агаар өдөртөө -18 хэмийн хүйтэн бол шөнөдөө -31 градус хүйтэн байх нь ээ.
- Билгийн тооллын 21, Тугчин одтой, хөх морь морь өдөр. Өдрийн наран 8 цаг 22 минутад мандан, 17 цаг 49 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үл зохилдох үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3400.00 төгрөг, зарах нь 3406.00 төгрөг байна. Харин рублийн авах ханш 37.60, зарах ханш 37.80, юанийн авах ханш 470.00, зарах ханш 475.80, вонийн авах ханш 2.53, зарах ханш 2.56 төгрөг байна.
Өнөөдөр болох онцлох үйл явдлууд:
- 09.00 Засгийн газрын ээлжит хуралдаан Төрийн ордонд болно.
- 09:00-12:30 цагийн хооронд "Сонгуулийн тухай хуулийн нэмэлт өөрчлөлт ба Хэвлэл мэдээллийнхэнд хамаарах асуудал, Сонгуулийн сурталчилгаатай холбоотой үүсэх эрүүгийн болон зөрчлийн хуулийн зохицуулалт" сэдвээр сургалт болно.
- 11:00 Монгол Улс, Холбооны Бүгд Найрамдах Герман Улсын хооронд дипломат харилцаа тогтоосны 50 жилийн ойд зориулсан шуудангийн марк, гэрэл зургийн үзэсгэлэнгийн нээлт ГХЯ-д болно.
- 19:00 цагт Говийн догшин ноён хутагт Дулдуйтын Данзанравжаагийн мэндэлсний 220 жилийн ойг тохиолдуулан "Тэнгэрийн хутагт" бүжгэн жүжгийг Корпорайт Конвейнш төвийн тайзнаа тоглоно.
Энэ өдөр дэлхийн түүхэнд:
- 1862 - Одон оронч Альван Грем Кларк цагаан одой гараг болох "Сириус Б" гаргийг илрүүлжээ.
- 1865 - Америкийн иргэний дайн: АНУ-ын Конгресс Үндсэн хуульд 13 дахь нэмэлт өөрчлөлт оруулснаар боол худалдаалах, худалдан авах эрх бүр мөсөн үгүй болжээ.
- 1891 - Португалийн бүгд найрамдах хувьсгалын анхны оролдлого хойд хэсгийн Порту хотод болжээ.
- 1897 - Чехославын худалдааны нэгдсэн хороо Прага хотноо байгуулагдав.
- 1915 – Дэлхийн нэгдүгээр дайн: Болимовын тулаанд Германы арми дэлхийд анх удаагаа хорт хий ашиглав.
- 1929 - ЗХУ Лев Троцкийг цөлжээ.
- 1942 – Дэлхийн хоёрдугаар дайн: Малаяагын тулаанд холбооны арми Японы армийг буулган авав.
- 1946 - Югослав улс шинэ хууль батласнаар Босни Герцеговина, Хорват, Македон, Монтенегро, Серби, Словени улсыг багтаасан Югославын холбооны улсыг байгуулжээ.
- 1949 - "Энэ бидний хүүхдүүд" нэртэй анхны савангийн дуурь NBC сувгаар гарч эхэлжээ.
- 1950 - АНУ-ын ерөнхийлөгч Харри С.Труман гидрогений тэсрэх бөмбөгийг турших, хөгжүүлэх шийдвэр гаргав.
- 1961 - Меркюри төсөл: Хам де Шимп хөлөг сансрын уудамд гарав.
- 1966 - ЗХУ Луна 9 хөлгийг сансарт хөөргөжээ.
- 1968 - Вьетнамын дайн: Сайгон дахь АНУ-ын элчин сайдын яаманд Вьет Конгын дайчид халдав.
- 1968 - Науру улс Австралиас тусгаар тогтнолоо зарлажээ.
- 1971 - Аполло хөтөлбөр: Сансарын нисэгч Алан Шепард, Стюарт Рооза, Эдгар Митчелл нарын багтсан Аполло 14 хөлөг сарыг судлах зорилгоор хөөрчээ.
- 1996 - Шри Ланкын төв банкны үүдэнд бөмбөг дэлбэрч 86 хүн амиа алдан, 1400 хүн гэмтэж бэртжээ.
- 2009 - Кенийн газрын тос хадгалах байр дэлбэрч 113 хүн амиа алджээ. Үүнээс нэг өдрийн дараа Найроби хот дахь Накуматт дэлгүүрт гал гарч 25 хүн амиа алдсан юм.
