Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 26 дахь өдөр бөгөөд он дуусахад 339 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 16, Үнэг одтой, шарагчин үхэр өдөр. Өдрийн наран 8 цаг 28 минутад мандан, 17 цаг 41 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3409.00 төгрөг, зарах нь 3415.00 төгрөг байна. Харин рублийн авах ханш 37.60, зарах ханш 37.90, юанийн авах ханш 476.50, зарах ханш 478.00, вонийн авах ханш 2.57, зарах ханш 2.58 төгрөг байна.
Өнөөдөр болох онцлох үйл явдлууд:
- 11:00 цагт Эрүүл мэндий салбарт "ABLE" систем ашиглах нь танилцах аялал "Peace building" 6 давхарт болно.
- 11:30 цагт Зууны мэдээ сонины байранд “Монголын үндэсний уламжлалт зан үйлийн өргөө” НҮТББ-аас “Гамшиг зовлон, осол аюулаас хэрхэн хамгаалах вэ?” сэдвээр Хэвлэлийн бага хурал зарлаж байна.
- 14.00 цагт Төсвийн мэдээллийн цахим сангуудын танилцуулга уулзалт ННФ-ын хурлын танхимд болно.
- 2024/01/26, Баасан гарагт 11.00-12.00 цагт Хаана: Чингэлтэй дүүрэг, IV хороо, СУИС-ийн замын урд "Peace building" 6 давхарт
Энэ өдөр дэлхийн түүхэнд:
- 1500 - Испанийн аялагч Висентэ Яанез Пинзон Бразил улсад хүрсэн анхны европ хүн болж, түүхэнд нэрээ үлдээжээ.
- 1736 - Польшийн хаан ширээнд I Станислав суув.
- 1837 - Мичиган муж АНУ-ын 26 дахь муж улс болжээ.
- 1838 - АНУ-ын нутаг дэвсгэрт Теннеси муж анх удаагаа алкохолын төрлийн бүтээгдэхүүнийг хориглосон хууль баталжээ.
- 1870 - АНУ-ын бүрэлдэхүүнд Виржиниа муж улс дахин нэгджээ.
- 1885 - Египетийг захирч байсан Британийн ерөнхийлөн захирагч Чарльз Жорж Гордоныг орон нутгийн салан тусгаарлах үзэлтнүүд хороожээ.
- 1905 - Дэлхийн түүхэнд одоогоор олдоод байгаа хамгийн том очир эрдэнэ Өмнөд Африкийн Преториа хотын "Премьер" уурхайгаас олдов. Уг очир эрдэнэ нь 3,1 карат буюу 0.6 кг-ын жин татаж байсан юм.
- 1918 - Финландын иргэний дайн: Хелсинкийн хөдөлмөрчдийн танхмын оройд Улаан армийг дэмжигчид улаан дэнлүү суурилуулав. Ингэснээр иргэний дайн дэгджээ.
- 1930 - Энэтхэгийн үндэсний конгресс Их Британиас албан ёсоор тусгаар тогтносыг олон нийтэд зарлав.
- 1939 - Испанийн иргэний дайн: Генерал Франчиско Франко Италийн дэмжлэгтэйгээр Барселона хотод хяналтаа тогтоожээ.
- 1945 – Дэлхийн хоёрдугаар дайн: Зүүн Пруссин Хайлигенбайлын ойролцоо ЗХУ-ын Улаан арми, Германы дөрөвдүгээр дивизионтой тулалдаж эхлэв.
- 1950 - Тусгаар тогтнолоо зарласнаас хойш 20 жилийн дараа тус улс үндсэн хуулиа боловсруулж дууссан бөгөөд анхны ерөнхийлөгчөөр Ражендра Прасад сонгогдов.
- 1952 - Хар бямба гараг: Кайро хотын төвийн дүүрэгт томоохон бослого дэгдэв. Босогчид Британийн дээд давхаргын хүмүүсийг нутгаасаа явахыг шаардан ийнхүү жагссан байна.
- 1962 - АНУ-ын Сансар судлалын агентлаг буюу НАСА сарыг судлах зорилготой "Рейнжер 3" хөлгийг хөөргөжээ.
- 1965 - Шинээр байгуулагдсан Энэтхэг улс "Хинди" хэлийг албан ёсны хэл болгожээ.
- 1980 - Израйль-Египет улс дипломат харилцаа тогтоов.
- 1992 - ОХУ-ын ерөнхийлөгч Борис Ельцин АНУ-ын хотуудыг цөмийн зэвсгийн байнд оруулахаа болисон гэж мэдэгдэв.
- 2001 - Энэтхэгийн баруун хэсэгт 10-с дээш магнитудын хүчтэй асар хөнөөлтэй газар хөдлөв. Газар хөдлөлтийн улмаас 13-20 мянган хүн амиа алджээ.
- 2015 - Испанийн Албасет хотод орших Лос Ланосын агаарын баазад цэргийн онгоц осолдож, 11 цэрэг амиа алдан, 21 цэрэг бэртэж, гэмтжээ
