Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 24 дахь өдөр бөгөөд он дуусахад 342 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -31 градус хүйтэн байх нь ээ.
- Билгийн тооллын 14, Өглөгт охин одтой, улаагчин гахай өдөр. Өдрийн наран 8 цаг 30 минутад мандан, 17 цаг 38 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд, мал арвидна
- Валют арилжааны төвд ам.долларын авах ханш 3413.00 төгрөг, зарах нь 3417.00 төгрөг байна. Харин рублийн авах ханш 37.50, зарах ханш 37.80, юанийн авах ханш 475.50, зарах ханш 477.00, вонийн авах ханш 2.58, зарах ханш 2.60 төгрөг байна.
Өнөөдөр болох онцлох үйл явдлууд:
- 08.00 цагт Нийслэлийн Бодлогын судалгаа, шинжилгээний төвөөс Сэлбэ дэд төвийн гэр хорооллыг орон сууцжуулах төслийн талаар танилцуулна.
-Засгийн газрын ээлжит хуралдаан болно.
- 11.00 цагт “Монгол ньюс” мэдээллийн төвд: “Архи, тамхигүй Монгол” ТББ-аас садар, самуунтай тэмцэх зорилгын хүрээнд өнгөрсөн хугацаанд цуглуулсан баримт мэдээллийн талаар танилцуулна.
- 11.00 цагт АТГ-ын үүдэнд: “Сануулга.мн” сайтын сэтгүүлч “Таван Толгой түлш” компанийн талаар 50 хуудас баримт материалыг шалгуулах талаар мэдээлнэ. Утас: 8810-3876.
Энэ өдөр дэлхийн түүхэнд:
- МЭӨ 41 - Ромын эзэнт гүрний хаан Калигулаг түүний хамгаалагчид нь хороов. Бэлгийн ёс бус хүслээрээ түүхэнд мөнхөрсөн түүнийг тойрон хүрээлэгчид нь жигшин зэвүүцдэг байжээ. Түүний аминд халдсан харуулууд түүний үеэл болох Клавдийг хаан ширээнд суулгасан юм.
- 1458 - Унгарын хаан ширээнд Маттиас Корвинус суув.
- 1679 - Английн хаан II Чарльз Хөлөг дайчдын парламентыг татан буулгав.
- 1742 - Ариун Ромын эзэнт гүрний хаан ширээнд VII Чарльз Алберт суужээ.
- 1835 - Бразил улсад Сальвадор да Бахиагаар удирдуулсан боолуудын бослого болж, тус улсад боолчлол устжээ.
- 1848 - Калифорнийн алтны халуурал: Сакраменто хотын Саттерс Миллийн ойролцоо Жеймс В.Маршалл гэгч алт олжээ.
- 1857 - Өмнөд Азийн анхны бүтэн хөтөлбөртэй их сургууль болох Калькуттын их сургууль байгуулагдав.
- 1862 - Румынь улсын нийслэлээр Бухарест хотыг нэрлэжээ.
- 1913 - Монгол Улсын Цэргийн яамнаас Өвөр Монголыг гамин цэргээс чөлөөлөхийн тул таван замаар цэргийн ажиллагаа явуулахаар төлөвлөв.
