Өнөөдөр гадаа -18 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 19 дахь өдөр бөгөөд он дуусахад 346 хоног үлдлээ.
- Цаг агаар өдөртөө -18 хэмийн хүйтэн бол шөнөдөө -33 градус хүйтэн байх нь ээ.
- Билгийн тооллын 12, Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм ухахад муу. Өдрийн сайн цаг нь бар, туулай, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3412.00 төгрөг, зарах нь 3416.00 төгрөг байна. Харин рублийн авах ханш 37.50, зарах ханш 38.00, юанийн авах ханш 475.00, зарах ханш 477.50, вонийн авах ханш 2.59, зарах ханш 2.61 төгрөг байна.
Өнөөдөр болох онцлох үйл явдлууд:
- 11.00 цагт: “ЗМ”-ний мэдээллийн төвд: Ардчилсан Хүчний Холбооноос: Утаа нь үндсэн хуульд заасан монгол хүний эрүүл, амьд явах эрх болон бусад эрхийг ноцтой зөрчиж байгаа талаар мэдээлэл хийнэ.
- 11.00 цагт: “Алдар” спортын төв зааланд: Төрийн цэргийн байгууллагуудын дунд зохион байгуулах "Цагаан сар Монгол түмний уламжлалт их баяр тэмцээн"-ний нээлтийн ажиллагаа болно.
- 11:00 цагт НББХороо, үргэлжлүүлэн 12:00 цагт ТБХорооноос 2023 оны намрын ээлжит чуулганы үйл ажиллагааны тайлангийн талаарх хэвлэлийн бага хурал болно.
- Архангай аймгийн цагаан идээ үзэсгэлэн худалдаа Тусгаар тогтнолын ордны талбайд үргэлжилж байна.
Энэ өдөр дэлхийн түүхэнд:
- 1863 - Хаант Оросын харьяанд багтаж байсан Польш, Литва, Беларус улсад "Нэгдүгээр сарын бослого" дэгдэв.
- 1890 - АНУ-ын Охайо мужийн Колумбус хотноо Америкий уурхайчдын нэгдсэн холбоо байгуулагдав.
- 1901 - ИХБУИНВУ-ын хатан хаан Викториаг насан эцэслэсний дараа түүний хүү VII Эдуард хаан ширгээнд суув.
- 1905 - Санкт Петербург хотноо цуст бослого дэгдэв.
- 1917 - АНУ-ын ерөнхийлөгч Вүүдроу Уилсон дэлхий дахинд энх байдал тогтоохыг олон улсад уриалав.
- 1919 - Бүгд найрамдах ардчилсан Украйн улс болон Баруун Украйны үндэсний бүгд найрамдах улс хооронд байгуулсан гэрээний дагуу хоёр Украйн нэгдэх болов.
- 1924 - Их Британийн сонгуульд Хөдөлмөрчдийн нам олонх болж тус намаас Рамси МакДональд ерөнхий сайд болжээ.
- 1941 - Британийн арми Италийн Тобрук хотод "Луужин" ажиллагаа зохион байгуулж мэдэлдээ авав.
- 1963 - Герман-Францын хамтын ажиллагааг шинэ шатанд гаргах зорилготоай Элизейн тунхаг батлагдав.
- 1968 - Сарыг тойрч хөөрөх зорилготой "Аполло-5" хөлгийг хөөргөжээ.
- 1984 - Алдарт Apple компанийн Макинтош загвар олон нийтэд сурталчлагдаж эхлэв.
- 1992 - Сансар судлалын Шатл хөтөлбөрт багтсан цорын ганц эмэгтэй хүнээр Канадын багш Роберта Бондар сонгогдов.
- 2002 - Америкийн жижиглэн худалдааны хамгийн том сүлжээ дэлгүүр Kmart дампуурлаа зарлав.
- 2006 - Боливийн ерөнхийлөгчөөр сонгогдсон Эво Моралес тангараг өргөв.
- 2007 - Иракийн нийслэл Багдад хотын төвийн Баб-аль-Шарки худалдааны төвд хоёр ч удаагийн дэлбэрэлт болж, 88 хүн амиа алдав.
- 2018 - Диснейн зохион бүтээсэн "Минни Маус" дүр 90 жилийн ой дээрээ Холливудын алдрын гудамжид өөрийн гэсэн одтой болжээ.
