Өнөөдөр гадаа -14 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 18 дахь өдөр бөгөөд он дуусахад 347 хоног үлдлээ.
- Цаг агаар өдөртөө -14 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 8, Шийдэм одтой, цагаагчин могой өдөр. Өдрийн наран 8 цаг 35 минутад мандан, 17 цаг 29 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3413.00 төгрөг, зарах нь 3418.00 төгрөг байна. Харин рублийн авах ханш 37.80, зарах ханш 38.20, юанийн авах ханш 475.00, зарах ханш 476.40, вонийн авах ханш 2.57, зарах ханш 2.60 төгрөг байна.
Өнөөдөр болох онцлох үйл явдлууд:
- 10.00 цагт Нээлттэй Нийгэм Форумын хурлын танхимд судлаач Г.Давааням, Б.Тэлмэн нар “Онцгой дэглэм ба төрийн өмчлөгчийн хяналт” сэдвээр хийсэн бодлогын шинжилгээг олон нийтэд танилцуулан, хэлэлцүүлнэ.
- Бүсчилсэн хөгжлийн форум-2024 Удирдлагын академийн их танхимд их баруун бүсийн урьдчилсан хэлэлцүүлгээр эхэлнэ.
- 10.00 цагт Монголын татварын албанаас "Хувь хүний орлогын албан татварын тайлан хүлээн авалт, хөнгөлөлт, чөлөөлөлт, буцаан олголт" сэдвээр танхим болон цахим сургалт зохион байгуулна.
- 11.00 цагт Зууны мэдээ” сонины “Үндэсний мэдээллийн төв”-д Өвөө нар Цагаан сараас өмнө ногдол ашиг авахыг шаардаж нүцгэн Хэвлэлийн бага хуралд оролцоно.
- 11.40 цагт Ардчилсан намын төв байранд УИХ-ын намрын чуулганаар хэлэлцсэн хуулийн төслүүд болон ногоон автобусны хянан шалгах түр хороо байгуулагдсан талаар байр сууриа илэрхийлнэ.
Энэ өдөр дэлхийн түүхэнд:
- 1535 онд Испанийн усан цэргийн адмирал Франциско Пизарро Перу улсын нийслэл Лима хотыг нээн илрүүлжээ.
- 1771 онд Торгуудын их нүүдэл Урал голын хөвөөнд тулж ирэв. Дараа өдөр нь буюу нэгдүгээр сарын 19-20-нд Яйс хотод, 1-р сарын 21-нд Урал голыг гаталж одоогийн Казахстаны талд оржээ.
- 1778 онд Алдарт аялагч Жеймс Күүк Хавайн аралд хүрсэн анхны хүн болов. Тэрээр уг арлыг "Сендвичэн арал" гэж нэрлэжээ.
- 1886 онд Англи улсын Лондон хотод Хоккейн холбоо байгуулагдаж шайбтай хоккейн анхны дүрмийг боловсруулжээ.
- 1896 онд Англид рентген туяаны аппаратыг Х.Л.Смит бүтээж, олон нийтэд сонирхуулав.
- 1903 онд АНУ-ын Массачусетс мужийн Уэллфлийтэд цахилгаа мэдээ дамжуулах зориулалттай станцыг анх удаагаа бүтээн байгуулжээ. Энэ станц Атлантын далай дамнан цахилгаан мэдээ дамжуулах үүрэгтэй байсан юм.
- 1943 онд Варшавын ядуусын хорооллын еврей иргэд анх бослого үйлдэж байжээ.
- 1974 онд Израйл-Египетийн хооронд үүсээд байсан маргааныг эцэслэж, хоёр тал энхийн гэрээнд гарын үсэг зурав.
- 1977 онд Зөвлөлт холбоот Югослав улсын Ерөнхий сайд Жемал Бижедич Босни Герцеговинад онгоцны ослоор амиа алджээ. Онгоцонд түүний гэр бүл болон хөлгийн багийн зургаан хүн сууж явсан юм.
- 1983 онд Олон улсын олимпын хороо 1912 оны зээрэнцэг болон олон төрөлтийн тэмцээнд түрүүлсэн Жим Торпын алтан медалийг төрөл төрөгсдөд нь гардуулан өгчээ.
- 1993 онд АНУ даяар өнгөт арьстнуудын эрхийн төлөө цогтой тэмцэгч Мартин Лютер Кингийн өдрийг албан ёсоор анх удаа тэмдэглэжээ.
- 2005 онд Францын Тулүз хотод агаарын тээврийн дэлхийн хамгийн том онгоц гэгдэх Airbus A380 онгоцыг албан ёсоор танилцуулав.
- 2007 онд Баруун Европын 20 улсад "Кирилл" нэрт хар салхи дэгдэж 44 хүн амиа алдав. Тухайлбал, Их Британид 14, Германд 13 хүн хар салхины улмаас амиа алджээ.
- 2009 онд Палестины газар нутгийн төлөө тэмцэгч Хамас бүлэглэл, Израйлийн батлан хамгаалах армитай энхийн гэрээ байгуулж, олон хоног үргэлжилсэн гал зогсчээ.
- 2018 онд Казахстан улсын Актобе хотын Ыргыз дүүрэгт зорчигч тээврийн автобус шатаж 52 зорчигч амиа алджээ.
