Өнөөдөр гадаа -13 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 17 дахь өдөр бөгөөд он дуусахад 348 хоног үлдлээ.
- Цаг агаар өдөртөө -13 хэмийн хүйтэн бол шөнөдөө -19 градус хүйтэн байх нь ээ.
- Билгийн тооллын 7, Дэлгэрүүлэгч одтой, цагаан луу өдөр. Буд гараг. Өдрийн наран 8 цаг 36 минутад мандан, 17 цаг 18 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм ухахад муу. Өдрийн сайн цаг нь бар, туулай, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3400.00 төгрөг, зарах нь 3420.00 төгрөг байна. Харин рублийн авах ханш 37.00, зарах ханш 37.60, юанийн авах ханш 471.50, зарах ханш 476.10, вонийн авах ханш 2.51, зарах ханш 2.64 төгрөг байна.
Өнөөдөр болох онцлох үйл явдлууд:
- Монгол ньюс мэдээллийн төвд 11.00 цагаас Хуульчлагдсан хуулийн хулгай баг, хорооны иргэдийн нийтийн хурлыг эрх зүйн чадамжгүй болгосон талаар СХД-ийн Ардчилсан намаас мэдээлэл хийнэ.
- 09.00 цагаас Монгол Улсын Засгийн газар хуралдана.
- Цагаан сарын “Амар байна уу?” болон “Хариуцлагатай нүүдэлчин” үзэсгэлэн худалдаа үргэлжлэн гарч байна.
- 10.00-12.00 цагт УИХ-ын ажлын хэсэг, дэд хороо болон байнгын хороод хуралдана.
Энэ өдөр дэлхийн түүхэнд:
- 1773 онд Их Британийн усан флотын ахмад, аялаг Жеймс Күүк Антарктидийн бүслүүрийн өмнөд хэсгийг завиар туулав.
- 1781 онд Америкийн хувьсгал: Каупенсийн тулаан: Бригадын генерал Даниел Морганы удирдлаган доор тулалдсан эх газрын арми Дэд хурандаа Банастр Тарлетоны удирдлагын доор тулалдсан Британийн армийг Өмнөд Каролинад бут цохив.
- 1811 онд Мексикийн хувьсгал: Калдерон гүүрний тулаанд Мексик-Испанийн цуст тулаан өрнөв. Уг тулаанд Испанийн 6,000, Мексикийн 100,000 цэрэг их бага ямар нэгэн хэмжээгээр шархаджээ.
- 1885 онд Африкийн Судан улсад Их Британи ноёрхолоо тогтоов.
- 1904 онд Оросын алдарт зохиолч Антон П.Чеховын "Интоорын цэцэрлэг" жүжиг Москва хотын театрт анх удаа тоглогджээ.
- 1917 онд АНУ-ын Засгийн газар Данийн Засгийн газарт 25 сая долларын төлбөр төлснөөр Виржинийн арлыг өөрийн болгов.
- 1950 онд Бостон хотын автомашины компанид зэвсэглэсэн 11 этгээд халдаж, 2 сая ам.долларыг хулгайлжээ.
- 1991 онд Персийн булангын дайн: Холбоотны нэгдсэн хүчнүүд Ирак улсад "Цөлийн шуурга" ажиллагааг эхлүүлэв. Кувейтыг эзлэн түрэмгийлсэн Ирак улсад НҮБ-ын аюулгүйн зөвлөл хугацаа өгсөн ч хугацаандаа хариу өгөөгүй тул ийнхүү цэргийн ажиллагаа эхэлжээ.
