Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 16-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 16 дахь өдөр бөгөөд он дуусахад 349 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -18 градус хүйтэн байх нь ээ.
- Билгийн тооллын 6, Могойг хүлэгч одтой, шарагчин туулай өдөр. Өдрийн наран 8 цаг 37 минутад мандан, 17 цаг 27 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, сэтгэлд сэвтэй газар очих, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
- Валют арилжааны төвд ам.долларын авах ханш 3415.00 төгрөг, зарах нь 3419.00 төгрөг байна. Харин рублийн авах ханш 37.30, зарах ханш 37.80, юанийн авах ханш 472.40, зарах ханш 477.20, вонийн авах ханш 2.63, зарах ханш 2.64 төгрөг байна.
Өнөөдөр болох онцлох үйл явдлууд:
- 10.00-12.00 цагт УИХ-ын ажлын хэсэг, дэд хороо болон байнгын хороод хуралдана.
- 10.00-13.00 цагт Төрийн албаны зөвлөлийн гишүүнд нэр дэвшигчтэй хийх нэр дэвшигчийн болон Олон нийтийн радио, телевизийн Үндэсний зөвлөлийн гишүүнд нэр дэвшигчтэй хийх сонсгол тус тус болно.
- 16.00 цагт “Чингис хаан” нисэх буудалд: Азийн аварга шалгаруулах тэмцээнээс мөнгөн медаль хүртэж, олимпын эрх авсан Монголын буудлагын спортын тамирчдыг угтан авна. Утас: 9900-4147, 8800-4147.
Энэ өдөр дэлхийн түүхэнд:
- МЭӨ 27 - Гайус Юлий Цезар Октавианусын нэрийг Ромын сенат Августус гэж нэрлэв. Ромын эзэнт гүрнийг тэр энэ мөчөөс эхлэн захирах болсон юм.
- 929 - Эмир III Абд-Ар-Рахман Кордобагын Халифатыг үүсгэн байгуулав.
- 1412 - Медичигийн гэр бүл Папын зөвлөлийн дэргэдэх албан ёсны банкирууд болжээ.
- 1492 - Испанийн аугаа хатан хаан I Исабелла Испани хэлний хэл зүйн дүрмийг анх удаа боловсруулав.
- 1547 - Оросын эзэнт гүрний хаан ширээнд олноо "догшин" хэмээн алдаршсан IV Иван суужээ.
- 1605 - Испанийн Мадрид хотод Мигель де Сервантесын "Дон Кихотын тэргүүн дэвтэр" хэвлэгдэв.
- 1707 - Шотландын парламент хэлэлцээд Нэгдэлийн хуулийг батласнаар Их Британийн бүрэлдэхүүнд нэгджээ.
- 1786 - Америкийн нэрт улстөрч, соён гэгээрүүлэгч Томас Жефферсон Виржиниа мужид "Шашны эрх чөлөөний тунхаг"-ыг хэвлүүлсэн байна.
