Өнөөдөр гадаа -8 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 15-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 15 дахь өдөр бөгөөд он дуусахад 350 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 4, Шувуун хошуут одтой, шар бар өдөр. Өдрийн наран 8 цаг 37 минутад мандан, 17 цаг 25 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- Валют арилжааны төвд ам.долларын авах ханш 3414.00 төгрөг, зарах нь 3420.00 төгрөг байна. Харин рублийн авах ханш 37.30, зарах ханш 37.80, юанийн авах ханш 472.40, зарах ханш 477.20, вонийн авах ханш 2.63, зарах ханш 2.64 төгрөг байна.
Өнөөдөр болох онцлох үйл явдлууд:
- 10.00 цагт УИХ дахь намуудын бүлэг хуралдана. Мөн ажлын хэсэг болон байнгын хороодын хурал болно.
- 11.40 цагт “Шинэ 100 айл” үйлчилгээний төв (“Дүнжингарав” захаас 2 км-т)-д цагаан сарын “Амар байна уу-2024” үзэсгэлэн худалдаа нээгдэнэ.
Энэ өдөр дэлхийн түүхэнд:
- 69 - Ромыг хяналтандаа авсан Ото өөрийгөө Ромын эзэнт гүрний хаан хэмээн зарлав. Гэвч үүнээсээ ердөө гуравхан сарын дараа өөрийн амиа егүүтгэсэн юм.
- 1541 - Францын хаан I Францис Шинэ Франц /одоогийн Канад/-ыг захирч, "Католик шашны ариун газар" болгох зарлиг болгожээ. Хааны зарлигыг Жеан-Франсуа Робервал гүйцэтгэсэн байна.
- 1559 - Английн хаан ширээнд хатан хаан I Элизабетыг ширээнд залах ёслол Венстминстерт болжээ.
- 1759 - Британийн музей үүд хаалгаа нээв.
- 1777 - Америкийн хувьсгалын дайн: Шинэ Коннектикут буюу одоогийн Вермонт муж тусгаар тогтнолоо зарлажээ.
- 1815 - 1812 оны дайн: Адмирал Стефен Декатураар удирдуулсан АНУ-ын тэнгисийн цэргийн "Пресидент" хөлөг онгоц Британийн тэнгисийн цэргийн жижиг ангийг буулган авчээ.
- 1822 - Грекийн хувьсгал: Хууль тогтоох ассемблей Грекийн ерөнхийлөгчөөр Деметриос Ипсилантисыг сонгожээ.
- 1870 - "Харперс Уийкли" сэтгүүлд анх удаа улстөрийн шог зургийн хэсэгт Ардчилсан Намыг "Илжиг"-ээр зүйрлэсэн байна. Ингэснээр Ардчилсан намыг илжигээр зүйрлэн үзүүлэх болсон юм.
