Өнөөдөр гадаа -8 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 12 дахь өдөр бөгөөд он дуусахад 353 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -21 градус хүйтэн байх нь ээ.
- Билгийн тооллын шинийн 1, Элдэв тэнгэртэн одтой, хөхөгчин гахай өдөр. Өдрийн наран 8 цаг 39 минутад мандан, 17 цаг 21 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, сан тавиулах, угаал үйлдэх, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3413.00 төгрөг, зарах нь 3418.00 төгрөг байна. Харин рублийн авах ханш 37.10, зарах ханш 37.50, юанийн авах ханш 472.40, зарах ханш 477.20, вонийн авах ханш 2.51, зарах ханш 2.64 төгрөг байна.
Өнөөдөр болох онцлох үйл явдлууд:
- 10.00 цагт УИХ-ын чуулганы нэгдсэн хуралдаан болно.
- 11.00 цагт УЦУОШГ-т: БОАЖЯ-ны ээлжит хэвлэлийн бага хурлаар Мазаалайн олон улсын наадам болон мөсөн хотхоны талаар мэдээлнэ. Мөн 1-4-р сард болох өвлийн аялал жуулчлалын үндэсний болон олон улсын эвент үйл ажиллагааг танилцуулна. Утас: 8803-8882.
- 11.00 цагт “Монгол ньюс” мэдээллийн төвд: Иргэний зориг-ногоон нам (ИЗНН)-аас мэдээлэл хийнэ.
“ЗМ”-ний мэдээллийн төвд:
- 11.30 цагт “Алтан хан буриад зон” тоглолтын талаар мэдээлнэ.
- 12.30 цагт АН-ын гишүүд Хөрөнгө оруулалтын хуулийг дэмжиж буйгаа илэрхийлж, эсрэг байр суурьтай байгаа Х.Баттулга, Лу.Гантөмөр тэргүүтэй хүмүүсийг АН-ын удирдлагаас огцруулах талаар хэвлэлийн бага хурал зарлажээ.
- 13.00 цагт "Могул" тауэрт: “Шинэ” намын удирдлагууд цаг үеийн асуудлаар мэдээлэл хийнэ.
- 14.00 цагт ОБЕГ-т: УОК-ын Шуурхай штабаас өвөлжилтийн нөхцөл байдлын талаар Монгол Улсад суугаа гадаад улс орны ЭСЯ болон олон улсын байгууллагын удирдлагуудтай хамтран ажиллах уулзалт зохион байгуулна. Утас:86150069
Энэ өдөр дэлхийн түүхэнд:
- 1528 – Шведийн хаан ширээнд I Густаф суув.
- 1866 – Лондон хотод Эзэн хааны аеронавтикийн холбоо байгуулагдав.
- 1898 – Япон улсын ерөнхий сайд Ито Хиробуми гурав дахь удаагаа энэ албыг хашихаар болов.
- 1908 – Парисийн Эйфэлийн цамхагаас уртын зайнд радио мэдээлэл хүргэсэн нь дэлхийн анхны тохиолдол болов.
- 1911 – Филиппин улсад Хууль зүйн их сургууль байгуулагджээ.
- 1915 – АНУ-ын Төлөөлөгчдийн танхим эмэгтэйчүүдийн санал өгөх эрхийг хүлээн зөвшөөрөв.
- 1932 – Эмэгтэйчүүдийн санал өгөх эрхийг хуульчилсанаас 7 жилийн дараа Хетти Карауей АНУ-ын Сенатын танхимд сонгогдсон анхны эмэгтэй болов.
- 1942 – Дэлхийн хоёрдугаар дайн: АНУ-ын ерөнхийлөгч Франклин Д.Рүүзвельт дайны үеэрх хөдөлмөрийн албан зөвлөлийг байгуулжээ.
- 1962 – Вьетнамын дайн: АНУ-ын арми "Чоппер" ажиллагааг эхлүүллээ. Энэ нь тус дайны үеэр АНУ-ын армиас хэрэгжүүлсэн анхны цэргийн ажиллагаа байсан юм.
- 1964 – Занзибарын босогчид тусгаар тогтнолоо баталгаажуулав.
- 1991 – Персийн булангын дайн: АНУ-ын Конгресс Кувейтээс цэргээ татаж, Ирак руу оруулж, цэргийн ажиллагаа явуулахыг зөвшөөрөв.
- 1998 – Европын холбооны 19 улс хүнийг эсийн төвшинд клонийн аргаар хувилахыг хүлээн зөвшөөрчээ.
- 2010 – 2000 он гарснаас хойшхи хамгийн хүчтэй газар хөдлөлт Гайти улсын Порто-О-Принс хотод болов. Байгалийн гамшгийн улмаас 100 мянган хүн амиа алдсан билээ.
