Өнөөдөр гадаа -8 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 10 дахь өдөр бөгөөд он дуусахад 355 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -26 градус хүйтэн байх нь ээ.
- Билгийн тооллын 29, Гар одтой, харагчин тахиа өдөр. Өдрийн наран 8 цаг 40 минутад мандан, 17 цаг 19 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3413.00 төгрөг, зарах нь 3419.00 төгрөг байна. Харин рублийн авах ханш 37.00, зарах ханш 37.30, юанийн авах ханш 484.00, зарах ханш 486.80, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- УИХ-ын Байнгын хороодын хуралдаан болно.
- Засгийн газрын ээлжит хуралдаан Төрийн ордонд болно.
- “Амар байна уу-2024” үзэсглэн худалдаа “Шинэ 100 айл” үйлчилгээний төвд болно.
- Хөвсгөл аймагт “Цодгор хүү” аймгийн аварга шалгаруулах тэмцээн болно.
- 11:00 цагаас Японы хөл бөмбөгийн супер од MORIOKA KAORU Монголд ирж сургалт явуулж, 2-3 хүүхдийг Япон улсад сонгон шалгаруулалтад оролцуулах болсон талаар мэдээлэл өгнө.
Энэ өдөр дэлхийн түүхэнд:
- МЭӨ 49 онд Юлий Цезарь Рубикон голыг гаталсан нь иргэний дайн эхлэх дохио болов.
- 9 онд Хятадын Баруун Хань улс мөхөж, Шинь улс байгуулагдав.
- 236 онд Фабиан пап Ромын шашны тэргүүний суудалд сууж, 12 дахь пап лам болов.
- 1475 онд Молдавын III Степаны арми Васлуйн тулаанд Оттоманы эзэнт гүрний армийг ялав.
- 1776 онд Америкийн улстөр судлаач, онолч Томас Пэйн "Нийтлэг мэдрэмж" бүтээлээ хэвлүүлэв.
- 1861 онд Америкийн иргэний дайн: Флорида муж Холбооны бүрэлдэхүүнээс гарав.
- 1863 онд Дэлхийн хамгийн хөгшин метро гэгдэх Лондон хотын метроны Паддингтон болон Фаррингтоныг холбосон шугам нээгджээ.
- 1916 онд Дэлхийн нэгдүгээр дайн: Оросын эзэнт гүрний арми Оттоманы эзэнт гүрний армийг буулган авав.
- 1920 онд Версалийн гэрээ байгуулагдсанаар дэлхийн I дайн дуусав.
- 1927 онд Дэлхийн түүхэн дэх хамгийн алдартай зөгнөлт кино гэгдэх "Метрополис" кино Германд нээлтээ хийв.
- 1941 онд Дэлхийн хоёрдугаар дайн: Грекийн арми Клейзурыг эзлэн авсан.
- 1946 онд НҮБ-ын Ерөнхий ассемблейн анхны хуралдаан Лондон хотноо эхлэв. Анхны хуралдаанд 51 улсын төлөөлөгчид оролцжээ.
- 1966 онд Ташкентын тунхагаар Энэтхэг-Пакистаны тал энхийн гэрээнд гарын үсэг зурж, Энэтхэг-Пакистаны хооронд жил гаруй үргэлжилсэн дайн өндөрлөжээ.
- 1984 онд АНУ, Ватиканы хооронд 117 жил тасраад байсан дипломат харилцаа эргэн сэргэв. 1867 онд АНУ-ын Төлөөлөгчдийн танхим Ватикантай эдийн засаг болон соёлын талаар харилцах бүх харилцаагаа таслах шийдвэр гаргаж байжээ.
- 2007 онд Гвиней улсад бүх нийтийн ажил хаялт зарласны дараа, тухайн үеийн ерөнхийлөгч Лансана Конте үүрэгт ажлаа өөрийн хүсэлтээр өгөв.
- 1883 онд Оросын зохиолч Алексей Толстой мэндэлжээ
- 1936 онд Нобелийн шагналт физикч Роберт Вүүдроу Уилсон мэндэлжээ.
- 1949 онд Хүнд жингийн дэлхийн 2 удаагийн, 1968 оны Мехикогийн олимпийн аварга Жорж Формэн мэндэлжээ.
