Өнөөдөр гадаа -13 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 8 дахь өдөр бөгөөд он дуусахад 357 хоног үлдлээ.
- Цаг агаар өдөртөө -13 хэмийн хүйтэн бол шөнөдөө -29 градус хүйтэн байх нь ээ.
- Билгийн тооллын 27, Онгоц одтой, цагаагчин хонь өдөр. Сумъяа гараг. Өдрийн наран 8 цаг 41 минутад мандан, 17 цаг 16 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр эв эеэ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эдлэлийн зүйл авах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Дашням өдөр. Үс шинээр үргээлгэх буюу засуулбал өлзийтэй сайн.
- Валют арилжааны төвд ам.долларын авах ханш 3413.00 төгрөг, зарах нь 3420.00 төгрөг байна. Харин рублийн авах ханш 36.10, зарах ханш 36.80, юанийн авах ханш 472.40, зарах ханш 477.20, вонийн авах ханш 2.51, зарах ханш 2.64 төгрөг байна.
Өнөөдөр болох онцлох үйл явдлууд:
- Нийгмийн даатгалын ерөнхий газар 10.00 цагаас нийгмийн даатгалын багц хуулийн талаар мэдээлэл өгнө.
- “Зууны мэдээ” сонины “Үндэсний мэдээллийн төв”-д 11.00 цагаас Монголын АН-аас мэдэгдэл хийнэ.
- “Зууны мэдээ” сонины “Үндэсний мэдээллийн төв”-д 11.30 цагаас Оюутолгой болон нэр бүхий гэрээлэгч компаниудын ажилчдын эрх ашиг ноцтой зөрчигдөж байгаа. Гүний уурхайд олон тооны ажилчид угаартаж эрүүл мэнд эрсдэлд орсон ч нуусан, уурхайчдын цалинг маш багаар тооцдог болсон талаар баримт дэлгэнэ.
- “Зууны мэдээ” сонины “Үндэсний мэдээллийн төв”-д 12.00 цагаас Буриад цон олны өв дамжиж ирсэн уран бүтээл, үүх түүх гажуудах эрсдэлд ороод байгаа учир тэдний эрх ашгийг хамгаалах үүднээс буриад зон олны төлөөлөл мэдээлэл хийнэ.
Энэ өдөр дэлхийн түүхэнд:
- Беларус болон ОХУ-д энэ өдрийг Эмгэдийн өдөр болгон тэмдэглэдэг бол Умард Марианы арлууд Хамтын нөхөрлөлийн өдөр болгон тэмдэглэдэг.
- 1983 оны энэ өдөр Хойд Солонгосын удирдагч Ким Жон Ун мэндэлжээ.
- 1697 онд Британийн эзэнт гүрэн сүүлийн удаа цовдолж цааз гүйцэтгэв. Байгалийн хуультай тэрсэлж, номлол зөрчсөн гэж үзэн 21 настай Томас Эйкенхэдийг цаазалжээ.
- 1790 онд АНУ-ын Ерөнхийлөгч Жорж Вашингтон анх удаагаа ард түмэндээ хандаж үг хэлжээ.
- 1835 онд АНУ-ын түүхэнд эхний бөгөөд эцсийн удаа үндэсний өр тэгийг заажээ.
- 1867 оны энэ өдөр Вашингтон муж африк гаралтай америк иргэдийн сонгох, сонгогдох эрхийг хүлээн зөвшөөрчээ.
- 1926 оны энэ өдөр Абдул-Азиз Ибн Сауд нь Хеяазын хаанаар өргөмжлөгдсөн ба улсынхаа нэрийг Саудын Араб болгон өөрчилсөн.
- 1963 онд АНУ-ын нийслэл Вашингтон хотод Леонардо ДаВинчигийн "Мона Лиза" зураг анх удаа олны хүртээл болов.
